રાજ્યમાં ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. રાજ્યમાં આગામી 5 દિવસ ભારે વરસાદ પડે તેવી શક્યતા વ્યક્ત કરવામાં આવી છે. ભારે વરસાદની આગાહીને પગલે રાજ્યમાં NDRFની 15 ટીમો તૈનાત કરવામાં આવી છે.
ગુજરાતમાં ભારે વરસાદની આગાહીને પગલે NDRFની ટીમ અલર્ટ
રાજ્યના અલગ અલગ જિલ્લાઓમાં તૈનાત રહેશે ટીમ
એક ટીમ વડોદરા હેડકવાર્ટરમાં તૈનાત રહેશે
હવામાન વિભાગ દ્વારા રાજ્યમાં આગામી 5 દિવસ ભારે વરસાદની આગાહી આપવામાં આવી છે. ત્યારે રાજ્યભરમાં NDRFની ટીમને અલર્ટ રહેવા સુચના આપવામાં આવી છે. NDRFની ટીમ રાજ્યના અલગ-અલગ જિલ્લાઓમાં તૈનાત રહેશે. જ્યારે એક ટીમ વડોદરા હેડક્વાર્ટરમાં તૈનાત રહેશે.
રાજ્યમાં ભારે વરસાદની આગાહી વચ્ચે કચ્છ, બનાસકાંઠા, પાટણમાં NDRF ટીમ તૈનાત કરાઇ છે. જ્યારે મોરબી, જામનગર, દેવભૂમિ દ્વારકા, ગાંધીનગર, પોરબંદર, ગીર સોમનાથમાં NDRF ટીમ તૈનાત કરાઇ છે.
રાજ્યભરમાં છેલ્લા 24 કલાકથી સાર્વત્રિક મેઘમહેર જોવા મળી રહી છે. ત્યારે બીજી તરફ ભારે વરસાદની આગાહી વચ્ચે અમરેલી, ભાવનગર, લખતર, સુરત, વલસાડ અને નવસારીમાં પણ NDRF ટીમ તૈનાત કરવામાં આવી છે. આ સાથે એક ટીમ વડોદરા હેડ ક્વાર્ટર પર રહેશે.