સાર્વત્રિક વરસાદ / ગુજરાતમાં ભારે વરસાદની આગાહી વચ્ચે રાજ્યમાં 88 ડેમ હાઇઅલર્ટ પર

• રાજ્યમાં સારા વરસાદથી 88 ડેમ હાઇઅલર્ટ પર
• ભારે વરસાદની આગાહીને લઇ 17 ડેમોમાં અલર્ટ
• સરદાર સરોવર સહિતના 206 ડેમમાં 59.48 ટકા પાણી 

ગુજરાતમાં શ્રાવણ મહિનામાં સાર્વત્રિક વરસાદ વરસ્યો છે. ભારે વરસાદના કારણે રાજ્યના 88 ડેમ હાઇઅલર્ટ પર છે. જ્યારે આગાહીના પગલે 17 ડેમો અલર્ટ પર છે. સરદાર સરોવર સહિતના 206 ડેમમાં 59.48 ટકા પાણી ભરાયા છે.

જ્યારે રાજ્યના 47 ડેમ 100 ટકા ભરાયા છે. આ સાથે 88 ડેમમાં 90 ટકા કરતા વધુ પાણીનો સંગ્રહ છે. 17 ડેમ 80થી 90 ટકા ભરાયા છે., જ્યારે 10 ડેમમાં 70થી 80 ટકા પાણી ભરાતા અલર્ટ પર છે. 

જ્યારે બીજી તરફ રાજ્યના 90 ડેમમાં 70 ટકા કરતા ઓછું પાણી છે. સૌરાષ્ટ્રના 40, દ.ગુજરાતના 3 ડેમ સંપૂર્ણ ભરાયા છે. કચ્છના 3 અને મધ્ય ગુજરાતનો 1 ડેમ સંપૂર્ણ ભરાયો છે.

જો કે હાલ ગુજરાતમાં 2 વરસાદી સિસ્ટમ સક્રિય જોવા મળી રહી છે. જેને લઇને આજરોજ કચ્છ, ગીર સોમનાથ, મોરબી, પોરબંદરમાં વરસાદની આગાહી આપવામાં આવી છે. આ સાથે ડાંગ, સુરત, ભરૂચ સહિત મધ્ય ગુજરાત અને ઉત્તર ગુજરાતમાં પણ આજે વરસાદની આગાહી કરવામાં આવી છે.