ગુજરાતમાં કોરોનાનો કહેર વધ્યો છે ત્યારે રાજ્યમાં સૌથી વધુ કોરોનાના કેસ અમદાવાદમાં નોંધાયા છે. 7 એપ્રિલ સુધીમાં અમદાવાદમાં કુલ 83 પોઝિટિવ કેસ નોંધાયા છે. આજે અમદાવાદમાં વધુ 6 કેસ, સુરતમાં વધુ 3 કેસ અને રાજકોટમાં એક અઠવાડિયા બાદ એક કેસ નોંધાતા રાજ્યમાં અત્યાર સુધીમાં કુલ 175 કેસ નોંધાયા છે. જ્યારે મૃત્યુઆંક 14 પર પહોંચ્યો છે. આ અંગે આરોગ્ય અગ્ર સચિવ જયંતિ રવિએ પ્રેસ કોન્ફરન્સ યોજી હતી.
ગુજરાતમાં કોરોનાનાનો કહેર વધ્યો
રાજ્યમાં કુલ કેસ 175 થયા
અમદાવાદમાં 6, સુરતમાં 3 અને રાજકોટમાં 1 કેસ નોંધાયો
ગુજરાતમાં સતત કોરોનાનો કહેર વધતો જઇ રહ્યો છે ત્યારે સૌથી વધુ કેસ અત્યાર સુધીમાં અમદાવાદમાં નોંધાયા છે. અમદાવાદને હોટ સ્પોટ જાહેર કરાયું છે. અમદાવાદ શહેરના કેટલાક વિસ્તારોને ક્લસ્ટર ક્વોરેન્ટાઇન પણ કરાયા છે. મંગળવારે રાજ્યના આરોગ્ય અગ્ર સચિવ જયંતિ રવિએ પ્રેસ કોન્ફરન્સ કરી હતી. જેમાં તેમણે જણાવ્યું કે, અમદાવાદમાં વધુ 6, સુરતમાં વધુ 3 અને રાજકોટમાં 1 આમ આજે કુલ કોરોના વાયરસના 10 કેસ સામે આવતા રાજ્યમાં કુલ આંકડો 175 પર પહોંચ્યો છે. જ્યારે સુરતમાં એક દર્દીનું મોત થતાંકુલ મૃતાંક 14 પર પહોંચ્યો છે. 25 કોરોનાના દર્દીઓ અત્યાર સુધીમાં સાજા થઇ ચૂક્યા છે.