કોરોના વાયરસ / રાજ્યમાં કોરોનાના નવા 371 પોઝિટિવ કેસ, અમદાવાદમાં એક્ટિવ કેસનો આંકડો ચોંકાવનારો

• રાજ્યમાં છેલ્લા 24 કલાકમાં નવા કેસ 371 નોંધાયા
• રાજ્યમાં કોરોના વાયરસનો રિકવરી રેટ 42.50 ટકા થયો​
• અત્યાર સુધીમાં રાજ્યમાં કુલ કોરોનાનો આંકડો 12910 ​થયો

રાજ્યમાં કોરોના વાયરસનું તાંડવ યથાવત છે. રાજ્યમાં વધુ 371 પોઝિટિવ કેસ નોંધાયા છે. આમ રાજ્યમાં કોરોનાનાં કુલ પોઝિટિવ કેસોનો આંક 12910 પર પહોંચ્યો છે. જ્યારે છેલ્લા 24 કલાકમાં કોરોનાએ વધુ 24 લોકોનો ભોગ લીધો છે. તો અત્યાર સુધી કુલ 773 લોકોનાં અવસાન થયા છે. બીજી તરફ રાજ્યમાં કોરોના વાયરસનો રિકવરી રેટ 42.50 ટકા થયો છે. રાજ્યમાં વધુ 269 દર્દીને ડિસ્ચાર્જ કરાયા છે. અત્યાર સુધી કુલ 5488 દર્દીઓને ડિસ્ચાર્જ કરાયા છે. રાજ્યમાં છેલ્લા 24 કલાકમાં 5380 કોરોના ટેસ્ટ કરવામાં આવ્યાં છે.  આરોગ્ય વિભાગના અગ્ર સચિવ જયંતિ રવિએ આ માહિતી આપી હતી.

અમદાવાદના કુલ કેસ 10 હજાર નજીક

રાજ્યમાં કોરોનાના નવા 371 કોરોનાના કેસ નોંધાયા છે તેમાંથી માત્ર અમદાવાદના જ 233 કેસ છે. જેથી અમદાવાદમાં કુલ કોરોનાનો આંકડો 9449 કેસનો આંકડો થયો છે.

ટોપ 10 શહરોમાં ગુજરાતના 2 શહરો

ગુજરાતમાં કોરોના પોઝિટિવ કેસની સંખ્યામાં વધારો થયો છે. ત્યારે દેશના સૌથી વધુ કેસ ધરાવતા શહેરોમાં 2 ગુજરાતના શહેરોના નામ આવ્યા છે. ટોપ 10 શહેરોમાં ગુજરાતના 2 શહેરોમાં સૌથી વધુ કેસ નોંધાયો છે. અમદાવાદ ત્રીજા અને સુરત 10માં ક્રમાકે છે.  

છેલ્લા 24 કલાકમાં વિવિધ જિલ્લામાં નોંધાયેલા કોરોનાના કેસની વિગત

દેશ અને રાજ્યમાં કોરોનાગ્રસ્ત દર્દીઓના રિકવરી રેટમાં વધારો

મહત્વનું છે કે, દેશમાં કોરોનાગ્રસ્ત દર્દીઓના રિકવરી રેટમાં સતત વધારો થઇ રહ્યો છે. હાલ દર્દીઓના સાજા થવાનો દર 40.32 ટકા થયો છે. 1,13,321 પોઝિટિવ કેસમાંથી 45,900 દર્દીઓ સાજા થયા છે. અત્યાર સુધી 26,15,920 સેમ્પલના પરીક્ષણ કરાયા. છેલ્લા 24 કલાકમાં 1,03,532 સેમ્પલનું પરીક્ષણ કરાયું છે. ગુજરાતમાં કોરોના વાયરસનો રિકવરી રેટ 42.50 ટકા થયો છે.

રાજ્યમાં જિલ્લાવાર કુલ કોરોના કેસની વિગત

આ માહિતી રાતે 8 વાગ્યા સુધીની છે.