સુરતમાં કુમાર કાનાણીના પુત્ર અને મહિલા પોલીસકર્મી વચ્ચે બબાલની ઘટના સામે આવી હતી. જેમાં પ્રકાશ કાનાણી અને તેના મિત્રોએ કરેલી બબાલનો ઓડિયો વાયરલ થયો હતો. જેમાં પ્રકાશ કાનાણી અને PSI મહિલાકર્મી સાથેની ઉગ્ર બોલાચાલીનો ઓડિયો વાયરલ થયો હતો. આ મામલો ગરમાતાં ઉચ્ચ અધિકારીઓ પાસે પહોંચતા પોલીસ મહિલાકર્મીને તાબડતોડ ઘરે મોકલી દેવામાં આવ્યાં હતા.
પ્રાપ્ત મળતી વિગત અનુસાર રાજ્યના આરોગ્ય મંત્રી કુમાર કાનાણીના પુત્ર અને પોલીસ મહિલાકર્મી વચ્ચેની બબાલ મામલે હવે નવો વળાંક જોવા મળી રહ્યો છે. જેમાં આરોગ્ય મંત્રીના પુત્ર પ્રકાશ કાનાણીના અને PSIમહિલા કર્મી વચ્ચેના ઓડિયો વાયરલનો મામલો સામે આવ્યો હતો.
જેમાં બંને વચ્ચે બબાલની ઓડિયો ક્લીપ વાયર થતાં મામલો સામે આવ્યો હતો. જો કે સૂત્રોને મળતી જાણકારી મુજબ મામલો ગરમાતા ઉચ્ચ પોલીસ અધિકારીઓ સુધી આ વાત પહોંચી હતી. જેમાં ઉચ્ચ અધિકારીઓએ મહિલા પોલીસકર્મીને ઘરે જવાના આદેશ આપ્યાં હતા. ઉચ્ચ પોલીસ અધિકારીઓએ મહિલાકર્મીને તાબડતોડ ઘરે મોકલ્યા હતા. જેમાં ઘટના બાદ મહિલા પીએસઆઇએ રાજીનામું આપ્યું હોવાની ચર્ચા પણ જોર પકડ્યું છે.
ઉલ્લેખનીય છે કે સુરત ખાતે વરાછામાં કુમાર કાનાણીના દીકરાના મિત્રો રાત્રે ફરવા નિકળ્યા હતા. જેમને રોકવામાં આવતા બબાલ થઇ હતી. મહિલા PSIએ તેના મિત્રોને અટકાવતા પ્રકાશ કાનાણી પણ ઘટના સ્થળે પહોંચ્યા હતા. MLA લખેલી કાર લઈને પ્રકાશ કાનાણી ઘટના સ્થળે પહોંચ્યા હતા.
જોકે પ્રકાશ કાનાણીએ શાંતિ જાળવવા અપીલ કરી હતી. પરંતુ બાદમાં પ્રકાશ કાનાણીની પણ PSI મહિલાકર્મી સાથે બબાલ થઈ હતી. બન્ને વચ્ચે બબાલની ઓડિયો ક્લીપ વાયરલ થતા મામલો સામે આવ્યો હતો. આ મામલો ગરમાતા ઉચ્ચ પોલીસ અધિકારીઓ સુધી વાત પહોંચી હતી.
ઉચ્ચ અધિકારીઓએ મહિલા પોલીસકર્મીને ઘરે જવાના આદેશ આપ્યાં હતા. ઉચ્ચ પોલીસ અધિકારીઓએ મહિલાકર્મીને તાબડતોડ ઘરે મોકલ્યા હતા. આ ઘટના બાદ મહિલા PSIએ રાજીનામું આપ્યું હોવાની ચર્ચા ચાલી રહી છે.
સળગતા સવાલ
મહિલા પોલીસકર્મી સાથે આવું વર્તન કેમ?
ઉચ્ચ અધિકારીઓ કાર્યવાહી કરતા કેમ રોકી રહ્યાં છે?
રાત્રે 10 વાગ્યા પછી લોકો કેમ નથી કરતા કર્ફ્યૂનું પાલન?
શું આ લોકોને નિયમો લાગુ પડતા નથી?
રાજકીય વગ ધરાવતા લોકોની પૂછપરછ ન કરાય?
રાજકીય વગ ધરાવતા લોકો સામે કાર્યવાહી કરતા કેમ રોકવામાં આવી રહ્યાં છે?