મહામારી / કોરોનાના કેસને લઇને ગુજરાતમાં ચિંતા ઘટી, 24 કલાકમાં 1380 નવા કેસ સામે સાજા થનાર લોકોની સંખ્યા વધુ

• 24 કલાક દરમિયાન 1380 નવા કેસ સામે 1568 દર્દીઓ થયાં સાજા
• 14 દર્દીઓના થયાં મોત 
• રાજ્યમાં હાલમાં 14493 એક્ટિવ કેસ

કોરોના વાયરસના 1380  નવા કેસની સામે આજે 1568 દર્દીઓ સાજા થયા છે.અત્યાર સુધીમાં કુલ સાજા થયેલા દર્દીઓનો આંકડો 2,01,580 પર પહોંચ્યો છે. 24 કલાક દરમિયાન 14 દર્દીઓના સારવાર દરમિયાન મોત થયા છે તો કુલ મૃત્યુઆંક 4095 પર પહોંચ્યો છે. તો રાજ્યમાં હાલ 81 લોકો વેન્ટિલેટર પર છે. 

રાજ્યમાં હાલમાં 14493 એક્ટિવ કેસ

ઉલ્લેખનીય છે કે, રાજ્યમાં હાલમાં 14493 એક્ટિવ કેસ છે. રાજ્યમાં રિકવરી રેટ 91.56 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 68868 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 83,10,558 પર પહોંચ્યો છે. 

અમદાવાદમાં એક જ દિવસમાં 9 લોકોના મોત 

અમદાવાદમાં દિવસેને દિવસે કોરોના બેકાબૂ બની રહ્યો છે ત્યારે એક જ દિવસમાં 9 લોકોના મોત થયાં હતા. તો અત્યાર સુધીમાં 2127 લોકોને કોરોના ભરખી ગયો હતો. 

અમદાવાદ જિલ્લામાં 306 કેસ આવતા ચિંતા વધી 

આજે અમદાવાદ શહેરમાં 289, અમદાવાદ જિલ્લામાં 17, સુરત શહેરમાં 191, સુરત જિલ્લામાં 31, વડોદરા શહેરમાં 135, વડોદરા જિલ્લામાં 42, રાજકોટ શહેરમાં 89, રાજકોટ જિલ્લામાં 39, ઉત્તર ગુજરાતના મહેસાણામાં નવા 54 કોરોનાના કેસ નોંધાયા છે. નોંધનીય છે કે, અમદાવાદ બાદ સુરતમાં અને હવે મહેસાણામાં પણ કોરોનાને લઇને સ્થિતિ વધુ વણસેલી છે. તો આજે પાટણ જિલ્લામાં 58 કેસ નોંધાતા તંત્રની ચિંતા વધી છે.

રાજ્યમાં છેલ્લા 24 કલાકમાં નોંધાયેલા કોરોનાના કેસની જિલ્લાવાર વિગત