મહામારી / ગુજરાતમાં 24 કલાકમાં 1311 નવા કેસ, આ જિલ્લામાં નોંધાયા કોરોનાના માત્ર 2 કેસ

• રાજ્યમાં 1311 નવા કેસ સાથે કુલ કેસનો આંકડો 1,03,006 પર પહોંચ્યો 
• ગત 24 કલાકમાં 72,751  કોરોના વાયરસના ટેસ્ટ થયા
• પોરબંદર જિલ્લામાં છેલ્લા 24 કલાકમાં નોંધાયા 2 કેસ

ગુજરાત આરોગ્ય વિભાગે જાહેર કરેલ આંકડા અનુસાર રાજ્યમાં છેલ્લા 24 કલાકમાં 1,311 નવા કોરોનાના કેસ નોંધાયા છે. આ સાથે જ રાજ્યમાં કુલ કેસનો આંકડો 1 લાખને પાર પહોંચી ચૂક્યો છે. તો આજે 1,148 દર્દીઓ સાજા થયા છે અને ખાસ વાત એ છે કે, રાજ્યમાં રિકવરી રેટ 81.11% પર પહોંચ્યો છે. ગુજરાતમાં હાલ એક્ટિવ કેસ માત્ર 16,366 છે. સંક્રમણથી 16 દર્દીઓના મોત થતાની સાથે મૃત્યુઆંક 3094 પર પહોંચ્યો છે. 

આજે 72,751  કોરોના વાયરસના ટેસ્ટ થયા

રાજ્યમાં કોરોના વાયરસના વધતા સંક્રમણના કારણે કોરોનાના ટેસ્ટિંગની સંખ્યામાં પણ વધારો કરવામાં આવી રહ્યો છે. હાલ રાજ્ય કુલ 61 લેબોરેટરી કાર્યરત છે અને છેલ્લા એક મહિનાથી રેપિડ એન્ટીજન કિટનો પણ મોટા પ્રમાણમાં ઉપયોગ કરવામાં આવી રહ્યો છે. જણાવી દઇએ કે, ગત 24 કલાકમાં 72,751 ટેસ્ટ કરવામાં આવ્યા હતા. તો રાજ્યમાં અત્યાર સુધીમાં કુલ 27,08,120 ટેસ્ટ કરવામાં આવ્યા છે. 

મહાનગરો બાદ આ જિલ્લાએ ચિંતા વધારી

આજે મહાનગરો અમદાવાદમાં 167, સુરતમાં 277, રાજકોટમાં 145, વડોદરામાં 119 બાદ સૌથી વધુ જામનગર જિલ્લામાં 111 કેસ નોંધાયા છે.આજે સમગ્ર રાજ્યમાં સૌથી ઓછા કેસ પોરબંદર જિલ્લામાં માત્ર 2 કેસ જ નોંધાયા છે. ત્યારે છેલ્લા 24 કલાકમાં ગુજરાતના વિવિધ જિલ્લામાં નોંધાયેલા કેસની વિગતો નીચે મુજબ છે.