ભારતમાં કોરોના વાયરસના કેસ 39 લાખને પાર પહોંચી ચૂક્યા છે ત્યારે હવે ગુજરાતમાં કોરોનાના એક દિવસના અત્યાર સુધીના સૌથી વધુ કોરોનાના કેસ સાથે કુલ આંકડો 1 લાખને પાર પહોંચી ચુક્યો છે. ત્યારે રાજ્યમાં છેલ્લા 24 કલાકમાં 1,320 નવા કોરોના વાયરસના કેસ નોંધાતા કુલ આંકડો 1,01,695 પર પહોંચ્યો છે.
છેલ્લા 24 કલાકમાં કોરોનાના 1,320 નવા કેસ
કુલ આંકડો 1,01,695 પર પહોંચ્યો
રિકવરી રેટ 81.02% પર પહોંચ્યો
ગુજરાત આરોગ્ય વિભાગે જાહેર કરેલ આંકડા અનુસાર રાજ્યમાં છેલ્લા 24 કલાકમાં 1,320 નવા કોરોનાના કેસ નોંધાયા છે. આ સાથે જ રાજ્યમાં કુલ કેસનો આંકડો 1 લાખને પાર પહોંચી ચૂક્યો છે. તો આજે 1,218 દર્દીઓ સાજા થયા છે અને ખાસ વાત એ છે કે, રાજ્યમાં રિકવરી રેટ 81.02% પર પહોંચ્યો છે. ગુજરાતમાં હાલ એક્ટિવ કેસ માત્ર 16,219 છે. સંક્રમણથી 14 દર્દીઓના મોત થતાની સાથે મૃત્યુઆંક 3078 પર પહોંચ્યો છે.
આજે 75,453 કોરોના વાયરસના ટેસ્ટ થયા
રાજ્યમાં કોરોના વાયરસના વધતા સંક્રમણના કારણે કોરોનાના ટેસ્ટિંગની સંખ્યામાં પણ વધારો કરવામાં આવી રહ્યો છે. હાલ રાજ્ય કુલ 61 લેબોરેટરી કાર્યરત છે અને છેલ્લા એક મહિનાથી રેપિડ એન્ટીજન કિટનો પણ મોટા પ્રમાણમાં ઉપયોગ કરવામાં આવી રહ્યો છે. જણાવી દઇએ કે, ગત 24 કલાકમાં 75,453 ટેસ્ટ કરવામાં આવ્યા હતા. તો રાજ્યમાં અત્યાર સુધીમાં કુલ 26,35,369 ટેસ્ટ કરવામાં આવ્યા છે.
મહાનગરો બાદ આ જિલ્લાએ ચિંતા વધારી
આજે મહાનગરો અમદાવાદમાં 171, સુરતમાં 271, રાજકોટમાં 162, વડોદરામાં 125 બાદ સૌથી વધુ જામનગર જિલ્લામાં 111 કેસ નોંધાયા છે. ત્યારે છેલ્લા 24 કલાકમાં ગુજરાતના વિવિધ જિલ્લામાં નોંધાયેલા કેસની વિગતો નીચે મુજબ છે.