ભારતમાં કોરોના વાયરસના કેસમાં સતત વધારો થઇ રહ્યો છે પરંતુ રાહતની વાત કહી શકાય કે મૃત્યુદર ભારતમાં બે ટકાથી પણ ઓછો છે. ગુજરાતમાં પણ કોરોના વાયરસના નવા કેસમાં કોઈ ઘટાડો નોંધાયો નથી એવામાં છેલ્લા 24 કલાકમાં વાયરસના નવા 1280 કેસ સામે આવ્યા છે.
છેલ્લા 24 કલાકમાં કોરોનાના નવા 1280 કેસ
રાજ્યના રિકવરી રેટમાં પણ થઇ રહ્યો છે વધારો
અત્યાર સુધીમાં 3022 લોકોના સારવાર દરમિયાન થયાં મોત
રાજ્ય સરકારના આરોગ્ય વિભાગે જાહેર કરેલ પ્રેસનોટ પ્રમાણે ગુજરાતમાં છેલ્લા 24 કલાકમાં 1280 કોરોનાના કેસ નોંધાયા છે. આ સાથે જ રાજ્યમાં કુલ કેસનો આંકડો 96,435 પર પહોંચ્યો છે.
ટેસ્ટિંગમાં સતત વધારો
કોરોના વાયરસના કારણે ગુજરાતમાં દિવસેને દિવસે ટેસ્ટની સંખ્યામાં વધારો કરવામાં આવી રહ્યો છે. હાલ રાજ્ય કુલ 61 લેબોરેટરી કાર્યરત છે અને છેલ્લા એક માસથી રેપિડ એન્ટીજન કિટનો પણ ઉપયોગ કરવામાં આવી રહ્યો છે. રાજ્યમાં આજે કોરોના વાયરસના 66,363 ટેસ્ટ કરવામાં આવ્યા છે જ્યારે ટેસ્ટિંગનો કુલ આંકડો 23,31,836 પર પહોંચ્યો છે.
અત્યાર સુધીમાં 77,782 દર્દીઓએ કોરોનાને મ્હાત આપી
આજે કોરોનાના 1280 કેસ જ્યારે 1025 દર્દીઓ સાજા થતાં અત્યાર સુધીમાં કુલ 77,782 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. આમ ગુજરાતમાં સાજા થવાનો દર 80.66 ટકા થયો છે. આ સાથે જ રાજ્યમાં આજે સુરત, અમદાવાદ અને વડોદરામાં કોરોનાના સૌથી દર્દીઓ વધુ કેસ નોઁધાયા છે.રાજ્યમાં કોરોનાથી છેલ્લા 24 કલાકમાં 14 દર્દીઓના ભોગ લીધો છે. જેને લઇને કોરોનાથી મોતનો આંકડો રાજ્યમાં 3022 પર પહોંચ્યો છે. આ સાથે જ રાજ્યમાં હાલ 79 દર્દીઓ વેન્ટિલેટર પર છે.
ગુજરાતમાં હાલ 15631 એક્ટિવ કેસ
ઉલ્લેખનીય છે કે, રાજ્યમાં કોરોનાના કુલ કેસનો આઁકડો 96 હજારને પાર ભલે પહોંચ્યો હોય પરંતુ 15631 કેસ જ એક્ટિવ છે. જેનો અર્થ છે કે, રાજ્યમાં ઘણા બધા દર્દીઓએ કોરોનાને મ્હાત આપી છે. આ સાથે જ રિકવરી રેટ પર 80 ટકાને પાર પહોંચી ગયો છે. જે ખરેખર સારી વાત છે.
13 જિલ્લામાં કેસ કરતા વધારે લોકો થયાં સાજા
રાજ્યમાં કોરોના સંકટ ઘેરાઇ રહ્યું છે અને કુલ કેસનો આંકડો 1 લાખની નજીક પહોંચવાની તૈયારીમાં છે. જો કે, ગુજરાતના 13 જિલ્લા એવા છે જ્યાં કોરોનાના કેસના પ્રમાણમાં સાજા થયેલા લોકોનો આંકડો વધું છે. આ 13 જિલ્લાની વિગત નીચેની ટેબલમાં આપવામાં આવી છે.
આજે 13 જિલ્લાઓમાં કેસ કરતા વધારે સાજા થયાં
જિલ્લો
કેસ
સાજા થયા
મહીસાગર
10
12
વલસાડ
6
14
નવસારી
12
16
જૂનાગઢ
17
22
જૂનાગઢ
18
25
બનાસકાંઠા
18
29
દાહોદ
13
29
કચ્છ
20
30
આણંદ
20
31
પંચમહાલ
39
42
વડોદરા
35
46
રાજકોટ
34
65
જામનગર
91
96
છેલ્લા 24 કલાકમાં વિવિધ જિલ્લામાં નોંધાયેલા કેસની વિગત