ખુશખબર / 24 કલાકમાં 980 કોરોના પોઝિટિવ, 1107 દર્દીઓ સાજા થતાં સૌથી ઓછા એક્ટિવ કેસમાં ગુજરાત બીજા નંબરે

• 24 કલાકમાં 980 કોરોના પોઝિટિવ
• 1107 દર્દીઓ થયાં સાજા
• સૌથી ઓછા એક્ટિવ કેસમાં ગુજરાત બીજા નંબરે

ઉલ્લેખનીય છે કે, આજે ફરી એકવાર કોરોનાના કેસમાં ઘટાડા નોંધાયો છે અને રાજ્યમાં છેલ્લા 24 કલાકમાં નવા 980 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,70,053 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 89.97 ટકા થયો છે. રાજ્યમાં કોરોના ટેસ્ટિગની સંખ્યામાં સતત વધારો કરવામાં આવી રહ્યો છે. રોજના 50 હજારથી વધુ ટેસ્ટ કરવામાં આવી રહ્યા છે. રાજ્યના વસ્તીને ધ્યાને લેતા રોજ આશરે 815 ટેસ્ટ કરવામાં આવે છે. ત્યારે છેલ્લા 24 કલાકમાં 51,912 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 58,97,627 પર પહોંચ્યો છે. 

આજે 1107 દર્દીઓ થયાં સાજા

આજે 1107  દર્દીઓ સાજા થતા કુલ સાજા થયેલા દર્દીઓનો આંકડો 1,52,995 પર પહોંચ્યો છે. આજે 6 દર્દીઓના મોત થતા કુલ મૃત્યુઆંક 3,704 પર પહોંચ્યો છે. જ્યારે એક્ટિવ કેસ 13,354 છે. જેમાં અમદાવાદ, સુરત, રાજકોટ, મહેસાણા અને વડોદરામાં સૌથી વધુ એક્ટિવ કેસ છે. 

આ 2 જિલ્લામાં કુલ 6 દર્દીઓના મોત

આજે કોરોના વાયરસે 6 દર્દીઓનો ભોગ લીધો છે. જેમાં અમદાવાદમાં 2, ગાંધીનગર 2, સુરતમાં 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 227, અમદાવાદમાં 186, રાજકોટમાં 91, વડોદરામાં 113 અને જામનગરમાં 30 કોરોનાના કેસ નોંધાયા છે.

સૌથી ઓછા એક્ટિવ કેસમાં ગુજરાત બીજા નંબરે

રાજ્યમાં સાજા થવાનો દર 89.97 પર પહોંચ્યો છે. આજે 1107 દર્દીઓ સાજા થતા રાજ્યમાં અત્યાર સુધીમાં સાજા થયેલા દર્દીઓનો આંકડો 1,52,995 પર પહોંચ્યો છે. હરિયાણામાં સૌથી ઓછા 10452 એક્ટિવ કેસ છે, જ્યાર બાદ ગુજરાતમાં હાલ માત્ર 13,354 એક્ટિવ કેસ છે.

છેલ્લા 24 કલાકમાં વિવિધ જિલ્લામાં નોંધાયેલા કોરોનાના કેસની વિગત