મહામારી / છેલ્લા 24 કલાકમાં 1052 નવા કોરોનાના કેસ, આજના સાજા થયેલા દર્દીઓનો આંકડો રાહત આપનારો

• ગુજરાતમાં છેલ્લા 24 કલાકમાં નવા 1052 કેસ નોઁધાયા
• કુલ દર્દીઓનો આંકડો 56,874 થયો 
• અમદાવાદમાં 463 દર્દીઓ થયાં સાજા 

રાજ્યમાં આજે કોરોનાના 1052 કેસ નોંધાતા કુલ આંકડો 56,874 પર પહોંચ્યો છે. આજે 1015 દર્દીઓ સાજા થતાં અત્યાર સુધીમાં કુલ 41,380 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. તો આમ ગુજરાતમાં સાજા થવાનો દર 72.75 ટકા થયો છે.

ગત 24 કલાકમાં 22 દર્દીઓના સારવાર દરમિયાન થયાં મોત 

આ સાથે જ રાજ્યમાં કોરોનાએ છેલ્લા 24 કલાકમાં કોરોનાએ 22 દર્દીનો ભોગ લીધો છે. જેથી અત્યાર સુધીમાં રાજ્યમાં 2648 દર્દીઓના સારવાર દરમિયાન મોત નિપજ્યા છે.

હાલ શું છે સુરતમાં કોરોનાની સ્થિતિ?

સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 258 નવા કોરોનાના કેસ નોંધાયા છે. જેમાં સુરત કોર્પોરેશનમાં 204 અને સુરત જિલ્લામાં 54 કેસ નોંધાયા છે. આ સાથે સુરતમાં કોરોનાનો કુલ આંકડો 11,930 પર પહોંચ્યો છે. સુરતમાં આજે 184 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 8,153 પર પહોંચ્યો છે. તો આજે સુરતમાં 9 દર્દીઓના મોત થયા છે. આ સાથે સુરતમાં અત્યાર સુધીમાં કુલ 370 દર્દીના મૃત્યુ થયા છે. સુરતમાં હાલ 3342 એક્ટિવ કેસ છે.

હાલ શું છે અમદાવાદમાં કોરોનાની સ્થિતિ?

છેલ્લા 24 કલાકમાં અમદાવાદમાં 184 કેસ નોંધાયા છે. જેમાં અમદાવાદ કોર્પોરેશનમાં 144 અને અમદાવાદ જિલ્લામાં 40 કેસ નોંધાયા છે. આ સાથે અમદાવાદમાં કોરોનાનો કુલ આંકડો 25,876 પર પહોંચ્યો છે. અમદાવાદમાં આજે 463 દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 20,850 પર પહોંચ્યો છે. અમદાવાદમાં આજે 4 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 1581 પર પહોંચ્યો છે. હાલ અમદાવાદમાં 3728 એક્ટિવ કેસ છે. 

રાજ્યના વિવિધ જિલ્લામાં નોંધાયેલા આજના કોરોના વાયરસના કેસની વિગત 

ગુજરાતના તમામ જિલ્લાઓમાં અત્યાર સુધીમાં નોંધાયેલા કોરોનાના કેસની વિગત (આ માહિતી રાતે 8 વાગ્યા સુધીની છે)