25 ડિસેમ્બર 2020ના રોજ ગુજરાતમાં કોરોના વાયરસ સંક્રમણના 910 નવા કોરોનાના કેસ નોંધાયા છે. તેથી છેલ્લા થોડા દિવસોથી કોરોનાના કેસ ઘટતા જોવા મળી રહ્યા છે જે રાહતના સમાચાર છે. જોકે, રાજ્યમાં કોરોનાના થતા ટેસ્ટની સંખ્યા પણ ઘટી છે. દરરોજના મુકાબલે 10 હજારથી વધુ ટેસ્ટ ઘટાડી દેવામાં આવ્યા છે. તો બીજી તરફ સાજા થવાનો દર 93 ટકાને પાર પહોંચ્યો છે. રાજ્યમાં એક્ટિવ કેસ ઘટ્યા છે સાથે અમદાવાદ શહેરમાં પણ કોરોનાના કેસ 200થી ઓછા નોંધાયા છે.
24 કલાકમાં ગુજરાતમાં કોરોના વાયરસના 910 નવા કેસ
અમદાવાદમાં પણ કોરોનાના કેસમાં થયો ઘટાડો
રાજ્યમાં આજે 6 દર્દીના મોત
પ્રેસનોટ અનુસાર, ગત 24 કલાક દરમિયાન કોરોનાના 910 નવા કેસ સામે આવ્યા છે. જેથી ગુજરાતમાં અત્યાર સુધીમાં 2,40,105 દર્દીઓ નોંધાઇ ચૂક્યા છે. રાજ્યમાં કોરોનાથી સાજા થવાનો દર 93.79ટકા થયો છે. તો ગુજરાતમાં આજે 56,970 ટેસ્ટ કરવામાં આવ્યા છે. જેથી અત્યાર સુધીમાં કુલ 93,30,491 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે.
રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં આજે 1114 સાજા થયાં અને અત્યાર સુધીમાં કુલ 2,25,206 દર્દીઓ સાજા થયાં છે. આજે કોવિડ-19થી 6 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4268 થઇ ગઇ છે. તો હાલ 10,631 એક્ટિવ કેસ છે. જેમાંથી 62 દર્દીઓ વેન્ટિલેટર પર છે.
ગુજરાતમાં આજે 6 દર્દીના મોત
રાજ્યમાં આજે અમદાવાદમાં 3, સુરતમાં 2, રાજકોટમાં 1 24 કલાક દરમિયાન કુલ 6 લોકોના કોરોનાથી મોત થયા છે. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.
મહાનગરોમાં કેસ ઘટ્યા! અમદાવાદ શહેરમાં 191 પોઝિટિવ
રાજ્યમાં આજે અમદાવાદ શહેરમાં 184-ગ્રામ્યમાં 7 કેસ, સુરત શહેરમાં 122-ગ્રામ્યમાં 31 કેસ, વડોદરા શહેરમાં 107-ગ્રામ્યમાં 31 કેસ, રાજકોટ શહેરમાં 62-ગ્રામ્યમાં 21 કેસ અને મહેસાણામાં આજે 32 કેસ નોંધાયા છે.
ગુજરાતના આ 4 મહાનગરોમાં 1000થી વધુ એક્ટિવ કેસ
રાજ્યમાં હવે એક્ટિવ કેસની સંખ્યા ઘટી રહી છે. અમદાવાદ શહેરમાં 191- ગ્રામ્યમાં 8, રાજકોટ શહેરમાં 134- ગ્રામ્યમાં 29, સુરત શહેરમાં 121- ગ્રામ્યમાં 25 અને વડોદરામાં શહેરમાં 158- ગ્રામ્યમાં 54 દર્દીઓ સાજા થયા છે. ત્યારે અમદાવાદમાં 2771, રાજકોટમાં 1184, સુરતમાં 1007 અને વડોદરામાં 1589 કુલ એક્ટિવ કેસ છે.
રાજ્યમાં આજે જિલ્લાવાર નોંધાયેલા કોરોનાના કેસની વિગત