ચિંતા / 24 કલાકમાં કોરોનાના 1021 નવા કેસ સાથે 1013 દર્દીઓ થયાં સાજા, આ 3 જિલ્લામાં 6 લોકોના થતાં મોત

• ગત 24 કલાકમાં નવા 1021 કોરોનાના કેસ 
• કુલ આંકડો 1,66,254 પર પહોંચ્યો
• 1013 દર્દીઓ થયાં સાજા

ઉલ્લેખનીય છે કે, રાજ્યમાં છેલ્લા 24 કલાકમાં નવા 1021  કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,66,254 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 89.37 ટકા થયો છે. રાજ્યમાં કોરોના ટેસ્ટિગની સંખ્યામાં સતત વધારો કરવામાં આવી રહ્યો છે. રોજના 50 હજારથી વધુ ટેસ્ટ કરવામાં આવી રહ્યા છે. રાજ્યના વસ્તીને ધ્યાને લેતા રોજ આશરે 815 ટેસ્ટ કરવામાં આવે છે. ત્યારે છેલ્લા 24 કલાકમાં 52,980 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 56,91,372 પર પહોંચ્યો છે. 

આજે 1013 દર્દીઓ થયાં સાજા

આજે 1013 દર્દીઓ સાજા થતા કુલ સાજા થયેલા દર્દીઓનો આંકડો 1,48,585 પર પહોંચ્યો છે. આજે 6 દર્દીઓના મોત થતા કુલ મૃત્યુઆંક 3,682 પર પહોંચ્યો છે. જ્યારે એક્ટિવ કેસ 13,987 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે.

આ 3 જિલ્લામાં કુલ 6 દર્દીઓના મોત

આજે કોરોના વાયરસે 6 દર્દીઓનો ભોગ લીધો છે. જેમાં અમદાવાદમાં 2, સુરતમાં 3,  ગાંધીનગરમાં 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 237, અમદાવાદમાં 177, રાજકોટમાં 103, વડોદરામાં 117 અને જામનગરમાં 46 કોરોનાના કેસ નોંધાયા છે.