ભારતમાં કોરોનાના કેસ આજે 13 લાખને પાર પહોંચી ગયા છે. 11 લાખથી 12 લાખ કેસ માત્ર 3 દિવસમાં નોધાયા છે. એટલે કે હવે દર 3 દિવસે દેશમાં 1 લાખ નવા કેસ નોંધાઈ રહ્યા છે. તેવામાં હવે ગુજરાતમાં પણ છેલ્લા ત્રણ દિવસથી કોરોનાના કેસ 1 હજારને પાર નોંધાઇ રહ્યા છે. ગુજરાતમાં કોરોનાનું વધતુ જતું સંક્રમણ ચિંતાનો વિષય બની રહ્યું છે ત્યારે રાજ્યમાં છેલ્લા 24 કલાકમાં કોરોનાના 1068 કેસ નોઁધાયા હતા.
ગુજરાતમાં કોરોના બન્યો બેકાબૂ
સુરતમાં આજે નોંધાયા 309 કેસ
અત્યાર સુધીમાં સમગ્ર રાજ્યમાં નોંધાયા 53,631 દર્દીઓ
રાજ્યમાં આજે કોરોનાના 1068 કેસ નોંધાતા કુલ આંકડો 53,631 પર પહોંચ્યો છે. આજે 872 દર્દીઓ સાજા થતાં અત્યાર સુધીમાં કુલ 38,830 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. તો આમ ગુજરાતમાં સાજા થવાનો દર 72.40 થયો છે.
ગત 24 કલાકમાં 26 દર્દીઓના સારવાર દરમિયાન થયાં મોત
આ સાથે જ રાજ્યમાં કોરોનાએ છેલ્લા 24 કલાકમાં કોરોનાએ 26 દર્દીનો ભોગ લીધો છે. જેથી અત્યાર સુધીમાં રાજ્યમાં 2283 દર્દીઓના સારવાર દરમિયાન મોત નિપજ્યા છે.
હાલ શું છે સુરતમાં કોરોનાની સ્થિતિ?
સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 309 નવા કોરોનાના કેસ નોંધાયા છે. જેમાં સુરત કોર્પોરેશનમાં 216 અને સુરત જિલ્લામાં 93 કેસ નોંધાયા છે. આ સાથે સુરતમાં કોરોનાનો કુલ આંકડો 11,097 પર પહોંચ્યો છે. સુરતમાં આજે 227 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 7,655 પર પહોંચ્યો છે. તો આજે સુરતમાં 12 દર્દીઓના મોત થયા છે. આ સાથે સુરતમાં અત્યાર સુધીમાં કુલ 338 દર્દીના મૃત્યુ થયા છે. સુરતમાં હાલ 3110 એક્ટિવ કેસ છે.
હાલ શું છે અમદાવાદમાં કોરોનાની સ્થિતિ?
છેલ્લા 24 કલાકમાં અમદાવાદમાં 176 કેસ નોંધાયા છે. જેમાં અમદાવાદ કોર્પોરેશનમાં 161 અને અમદાવાદ જિલ્લામાં 153 કેસ નોંધાયા છે. આ સાથે અમદાવાદમાં કોરોનાનો કુલ આંકડો 25,349 પર પહોંચ્યો છે. અમદાવાદમાં આજે 205 દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 20,049 પર પહોંચ્યો છે. અમદાવાદમાં આજે 3 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 1569 પર પહોંચ્યો છે. હાલ અમદાવાદમાં 3730 એક્ટિવ કેસ છે.
અમદાવાદ અને સુરત વચ્ચે એક્ટિવ કેસનું અંતર માત્ર 626 કેસનું જ
ઉલ્લેખનીય છે કે, અમદાવાદ બાદ સુરતની સ્થિતિ દિવસેને દિવસે બગડી રહી છે. આજે ચિંતાજનક 309 કેસ નોંધાયા છે તો એક્ટિવ કેસની વાત કરવામાં આવે તો અમદાવાદમાં હાલ 3730 અને સુરતમાં હાલ 3104 એક્ટિવ કેસ છે. આ આ બંન્ને મહાનગરો વચ્ચે માત્ર 626 કેસનું જ અંતર છે. આ બાબત ખરેખર ચિંતા વધારનારી છે.
રાજ્યના વિવિધ જિલ્લામાં નોંધાયેલા આજના કોરોના વાયરસના કેસની વિગત
24/07/2020
પોઝિટિવ કેસ
અમદાવાદ
176
સુરત
309
વડોદરા
92
ગાંધીનગર
26
ભાવનગર
39
બનાસકાંઠા
26
આણંદ
10
રાજકોટ
59
અરવલ્લી
7
મહેસાણા
22
પંચમહાલ
8
બોટાદ
8
મહીસાગર
2
ખેડા
8
પાટણ
20
જામનગર
12
ભરૂચ
30
સાબરકાંઠા
9
ગીર સોમનાથ
19
દાહોદ
18
છોટા ઉદેપુર
2
કચ્છ
22
નર્મદા
9
દેવભૂમિ દ્વારકા
2
વલસાડ
18
નવસારી
19
જૂનાગઢ
28
પોરબંદર
1
સુરેન્દ્રનગર
25
મોરબી
6
તાપી
10
ડાંગ
0
અમરેલી
26
અન્ય રાજ્ય
0
ગુજરાતના તમામ જિલ્લાઓમાં અત્યાર સુધીમાં નોંધાયેલા કોરોનાના કેસની વિગત (આ માહિતી રાતે 8 વાગ્યા સુધીની છે)