મહામારી / ગુજરાતમાં ડૉક્ટરોએ અત્યાર સુધીમાં 55 લાખથી વધુ કરી નાખ્યા કોરોના ટેસ્ટ, જાણો કોરોનાનો કુલ આંકડો

• 1,137 નવા કોરોના વાયરસના કેસ નોંધાયા
• કુલ આંકડો 1,62,985 પર પહોંચ્યો
• આજે 1,180 દર્દીઓ સાજા થયા અને 9 દર્દીઓના મોત થયા

રાજ્યમાં છેલ્લા 24 કલાકમાં 1,137 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,62,985 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 89.03 ટકા થયો છે. રાજ્યમાં કોરોના ટેસ્ટિગની સંખ્યામાં સતત વધારો કરવામાં આવી રહ્યો છે. રોજના 50 હજારથી વધુ ટેસ્ટ કરવામાં આવી રહ્યા છે. રાજ્યના વસ્તીને ધ્યાને લેતા રોજ 815.17 ટેસ્ટ કરવામાં આવે છે. ત્યારે છેલ્લા 24 કલાકમાં 52,986 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 55,32,522 પર પહોંચ્યો છે. 

આજે 1,180 દર્દીઓ થયાં સાજા

આજે 1,180 દર્દીઓ સાજા થતા કુલ સાજા થયેલા દર્દીઓનો આંકડો 1,45,107 પર પહોંચ્યો છે. આજે 9 દર્દીઓના મોત થતા કુલ મૃત્યુઆંક 3,663 પર પહોંચ્યો છે. જ્યારે એક્ટિવ કેસ 14,215 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે.

આ 6 જિલ્લામાં કુલ 9 દર્દીઓના મોત

આજે કોરોના વાયરસે 9 દર્દીઓનો ભોગ લીધો છે. જેમાં અમદાવાદમાં 2, સુરતમાં 3, વડોદરામાં 1, ગીર સોમનાથમાં 1, ભરૂચમાં 1 અને બનાસકાંઠામાં પણ 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 239, અમદાવાદમાં 177, રાજકોટમાં 104, વડોદરામાં 118 અને જામનગરમાં 65 કોરોનાના કેસ નોંધાયા છે.

રાજ્યમાં આજે નોંધાયેલા કોરોનાના કેસની જિલ્લાવાર વિગત