ચિંતા / ગુજરાતમાં નોંધાયા એક દિવસના સૌથી વધુ કોરોનાના કેસ, સૌ પ્રથમ વખત 70 હજારથી વધુ ટેસ્ટ

• છેલ્લા 24 કલાકમાં ગુજરાતમાં કોરોનાના 1204 નવા કેસ 
• અત્યાર સુધીમાં પ્રથમ વખત કરાયા 72 હજારથી વધુ કેસ 
• રિકવરી રેટ વધીને 80 ટકા થયો

કોરોના વાયરસના કારણે ગુજરાતમાં સતત વધતાં જતા આંકડાએ કેટલાક શહેરોમાં ચિંતા વધારી છે. ગુજરાતના સુરત, અમદાવાદ, રાજકોટ, વડોદરામાં કોરોનાનું સંક્રમણ વધી રહ્યું છે. ત્યારે રાજ્ય સરકારના આરોગ્ય વિભાગે જાહેર કરેલ પ્રેસનોટ પ્રમાણે ગુજરાતમાં છેલ્લા 24 કલાકમાં 1204 કોરોનાના કેસ નોંધાયા છે. આ સાથે જ રાજ્યમાં કુલ કેસનો આંકડો 84,466 પર પહોંચ્યો છે.

ટેસ્ટિંગમાં સતત વધારો 

કોરોના વાયરસના કારણે ગુજરાતમાં દિવસેને દિવસે ટેસ્ટની સંખ્યામાં વધારો કરવામાં આવી રહ્યો છે. હાલ રાજ્ય કુલ 61 લેબોરેટરી કાર્યરત છે અને છેલ્લા એક માસથી રેપિડ એન્ટીજન કિટનો પણ ઉપયોગ કરવામાં આવી રહ્યો છે. રાજ્યમાં આજે સૌથી વધુ કોરોના વાયરસના 72,857 ટેસ્ટ કરવામાં આવ્યા છે જ્યારે ટેસ્ટિંગનો કુલ આંકડો  16,20,067 પર પહોંચ્યો છે.     

અત્યાર સુધીમાં 67,277 દર્દીઓએ કોરોનાને મ્હાત આપી

આજે કોરોનાના 1204 કેસ જ્યારે 1324 દર્દીઓ સાજા થતાં અત્યાર સુધીમાં કુલ 67,277 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. આમ ગુજરાતમાં સાજા થવાનો દર 80 ટકા થયો છે. આ સાથે જ રાજ્યમાં આજે સુરત, અમદાવાદ અને વડોદરામાં કોરોનાના સૌથી દર્દીઓ વધુ કેસ નોઁધાયા છે.રાજ્યમાં કોરોનાથી છેલ્લા 24 કલાકમાં 14 દર્દીઓના ભોગ લીધો છે. જેને લઇને કોરોનાથી મોતનો આંકડો રાજ્યમાં 2869 પર પહોંચ્યો છે. 

રાજ્યના વિવિધ જિલ્લામાં છેલ્લા 24 કલાકમાં નોંધાયેલા કેસની વિગત

અત્યાર સુધીમાં ગુજરાતમાં નોંધાયેલા કોરોનાના કેસની વિગત