મહામારી / 24 કલાકમાં 1126 નવા કોરોનાના કેસ, ગુજરાતનો રિકવરી રેટ 88.93 ટકા પર પહોંચ્યો

• આજે 1,126 નવા કોરોના વાયરસના કેસ નોંધાયા
• કુલ આંકડો 1,61,848 પર પહોંચ્યો
• આજે 1,128 દર્દીઓ સાજા થયા અને 8 દર્દીઓના મોત થયા

રાજ્યમાં છેલ્લા 24 કલાકમાં 52,915 કોરોનાના ટેસ્ટ કરવામાં આવ્યા જેમાંથી 1,126 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,61,848 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 88.93 ટકા થયો છે. 

આજે 1,128 દર્દીઓ થયાં સાજા

આજે 1,128 દર્દીઓ સાજા થતા કુલ સાજા થયેલા દર્દીઓનો આંકડો 1,43,927 પર પહોંચ્યો છે. આજે 8 દર્દીઓના મોત થતા કુલ મૃત્યુઆંક 3,654 પર પહોંચ્યો છે. જ્યારે એક્ટિવ કેસ 14,267 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. અત્યાર સુધીમાં રાજ્યમાં કુલ 54,79,536 ટેસ્ટ કરવામાં આવ્યા છે. 

આ 6 જિલ્લામાં કુલ 8 દર્દીઓના મોત

આજે કોરોના વાયરસે 8 દર્દીઓનો ભોગ લીધો છે. જેમાં અમદાવાદમાં 2, સુરતમાં 2, વડોદરામાં 1, ગાંધીનગરમાં 1, મહેસાણામાં 1 અને રાજકોટમાં પણ 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 231, અમદાવાદમાં 178, રાજકોટમાં 104, વડોદરામાં 113 અને જામનગરમાં 71 કોરોનાના કેસ નોંધાયા છે.

રાજ્યમાં આજે નોંધાયેલા કોરોનાના કેસની જિલ્લાવાર વિગત