મહામારી / 24 કલાકમાં 285 નવા કેસ સાથે 422 દર્દીઓ થયાં સાજા, ગુજરાતમાં એક્ટિવ કેસનો આંકડો રાહત આપનારો

• 24 કલાકમાં 285 નવા કેસ સાથે 422 દર્દીઓ થયાં સાજા
• રિકવરી રેટ વધીને 97.10 ટકા થયો
• રાજ્યમાં હવે 3203 એક્ટિવ કેસ

પ્રેસનોટ અનુસાર, ગત 24 કલાક દરમિયાન કોરોનાના 285 નવા કેસ સામે આવ્યા છે. આજે 422 દર્દી સાજા થયાં અને અત્યાર સુધીમાં કુલ 2,54,531 દર્દીઓ સાજા થયાં છે. રાજ્યમાં તો હાલ 3203 એક્ટિવ કેસ છે. હાલ 29 દર્દીઓ વેન્ટિલેટર પર છે.

કોરોનાથી સાજા થવાનો દર 97.10 ટકા

રાજ્યમાં કોરોનાથી સાજા થવાનો દર 97.10 ટકા થયો છે. આજે ખેડા જિલ્લામાં કોરોનાને કારણે 1 દર્દીનું મોત થયું હતું. અત્યાર સુધીમાં કોરોનાથી મૃત્યુ પામનારાઓની સંખ્યા 4389 છે. અમદાવાદ શહેરમાં આજે 61 કેસ નોંધાયા છે. તો મહાનગરોમાં રાત્રિ કર્ફ્યુને લઇને કોરોનાનું સંક્રમણ ઘટ્યું છે. જો કે, એક બાબત ચોંકાવનારી છે કે, ગત 24 કલાક દરમિયાન વડોદરા જિલ્લામાં સૌથી વધુ કોરોનાના કેસ નોંધાયા છે.

3 લાખથી વધુ લોકોને અપાઇ ચૂકી છે રસી

ગત 24 કલાકમાં 40,550 લોકોને વેક્સિન આપવામાં આવી છે, જેથી અત્યાર સુધીમાં રાજ્યમાં 3,92,454 લોકોને કોરોનાની રસી આપવામાં આવી હતી. રાજ્યમાં અત્યાર સુધીમાં એકપણ વ્યક્તિને આ રસીના કારણે ગંભીર આડઅસર જોવા મળેલ નથી.

રાજ્યમાં જાણો કેટલા કેસ નોંધાયા?

છેલ્લા 24 કલાકમાં અમદાવાદ શહેરમાં 60 કેસ, અમદાવાદ ગ્રામ્યમાં 1 કેસ, સુરત શહેરમાં 33, સુરત ગ્રામ્યમાં વધુ 4 કેસ, વડોદરા શહેરમાં 76, ગ્રામ્યમાં વધુ 10 કેસ નોંધાયા, રાજકોટ શહેરમાં 23 કેસ, રાજકોટ ગ્રામ્યમાં વધુ 08 કેસ નોંધાયા છે. તો ભાવનગર, અરવલ્લી, તાપી, સુરેન્દ્રનગરમાં ગત 24 કલાકમાં એકપણ કેસ નથી નોંધાયો.