મહામારી / 24 કલાકમાં કોરોનાના 1,191 કેસ સાથે 1,279 દર્દીઓ થયાં સાજા, રિકવરી રેટ જાણીને રાહત થશે

• છેલ્લા 24 કલાકમાં કોરોનાના 1,191 નવા કેસ
• અત્યાર સુધીમાં 1,39,149 દર્દીઓએ કોરોનાને આપી મ્હાત
• રાજ્યમાં હવે 14,705 એક્ટિવ કેસ

રાજ્યમાં છેલ્લા 24 કલાકમાં 52,657 કોરોનાના ટેસ્ટ કરવામાં આવ્યા જેમાંથી 1,191કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,39,149  પર પહોંચ્યો છે. મહત્વનું છે કે રાજ્યમાં રિકવરી રેટ વધીને 88.36 ટકા થયો છે. 

આજે 1,279 દર્દીઓ થયાં સાજા

આજે 1,279 દર્દીઓ સાજા થતા કુલ સાજા થયેલા દર્દીઓનો આંકડો 1,39,149 પર પહોંચ્યો છે. આજે 11 દર્દીઓના મોત થતા કુલ મૃત્યુઆંક 3,620 પર પહોંચ્યો છે. જ્યારે એક્ટિવ કેસ 14,705 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. તો અત્યાર સુધીમાં રાજ્યમાં કુલ 52,69,542 ટેસ્ટ કરવામાં આવ્યા છે. 

આ 7 જિલ્લામાં કુલ 11 દર્દીઓના મોત

આજે કોરોના વાયરસે 11 દર્દીઓનો ભોગ લીધો છે. જેમાં અમદાવાદમાં 3, સુરતમાં 3, ગાંધીનગરમાં 1, બનાસકાંમાં 1, પંચમહાલમાં 1, રાજકોટમાં 1, વડોદરામાં 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 268, અમદાવાદમાં 189, રાજકોટમાં 111, વડોદરામાં 117 અને જામનગરમાં 125 કોરોનાના કેસ નોંધાયા છે. 

ગુજરાતના વિવિધ જિલ્લામાં છેલ્લા 24 કલાકમાં નોંધાયેલા કેસની વિગત