મહામારી / કોરોનાનો ફૂંફાડો ઘટ્યો, આજે 1110 નવા કેસ, અમદાવાદના મોતના આંકડા હજી પણ ચિંતાજનક

Team VTV 07:59 PM, 15 Dec 20 | Updated: 08:43 PM, 15 Dec 20
Gujarat health department coronavirus update 15 december 2020 Gujarat

15 ડિસેમ્બર 2020ના રોજ ગુજરાતમાં સોમવારે કોરોના વાયરસ સંક્રમણના 1110 નવા કોરોનાના કેસ નોંધાયા છે. તેથી છેલ્લા થોડા દિવસોથી કોરોનાના કેસ ઘટતા જોવા મળી રહ્યા છે જે રાહતના સમાચાર છે. જોકે, રાજ્યમાં કોરોનાના થતા ટેસ્ટની સંખ્યા પણ ઘટી છે. 10 હજારથી વધુ ટેસ્ટ ઘટાડી દેવામાં આવ્યા છે.

  • 24 કલાકમાં 1110 નવા કેસ
  • 1236 દર્દીઓ થયાં સાજા 
  • અમદાવાદમાં સૌથી વધુ મોત 

રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં 1110 નવા કેસ સાથે કોરોનાનો કુલ આંકડો 2,29,913 પર પહોંચ્યો છે. આજે કોવિડ-19થી 11 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4193 થઇ ગઇ છે. તો હાલ 12,881 એક્ટિવ કેસ છે. જેમાંથી 61 દર્દીઓ વેન્ટિલેટર પર છે.

24 કલાકમાં 1236 દર્દીઓ થયાં સાજા 

સરકારી આંકડા અનુસાર, આજે 1236 દર્દીઓ સાજા થયા છે. જેથી ગુજરાતમાં અત્યાર સુધીમાં 2,12,839 દર્દીઓ સ્વસ્થ થઇ ચૂક્યા છે. રાજ્યમાં કોરોનાથી સાજા થવાનો દર 92.57 ટકા છે. રાજ્યમાં આજે 58,883 ટેસ્ટ કરવામાં આવ્યા છે. જેથી અત્યાર સુધીમાં કુલ 87,80,266 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે.

69 હજારથી સીધો ટેસ્ટિંગનો આંકડો 55 હજારથી નીચે ગયો 

પ્રધાનમંત્રીની કોરોના ટેસ્ટિંગ વધારવાની અપીલ બાદ પણ રાજ્ય સરકાર દ્વારા કોરોના ટેસ્ટિંગ પર ભાર નથી મુકવામાં આવતો તે નજરે આવી રહ્યું છે. હાલ કોરોના વાયરસના કેસ ઓછા આવી રહ્યા છે તેનું કારણ કોરોનાનું ટેસ્ટિંગ ઘટાડવાનું કારણ પણ હોઇ શકે છે. તેથી રાજ્ય સરકાર કોરોનાને ગંભીરતાથી ન લઇ રહી હોય તેવું લાગી રહ્યું છે. 

અમદાવાદમાં સૌથી વધુ મોતનો સિલસિલો યથાવત્

રાજ્યમાં આજે અમદાવાદમાં 8, સુરતમાં 2 અને મહેસાણામાં 1 દર્દીઓના મોત સાથે આજે કુલ 11 દર્દીઓના કોરોનાથી મોત થયા છે. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.

મહાનગરોમાં કેસ ઘટ્યા!

રાજ્યમાં આજે અમદાવાદ શહેરમાં 232-ગ્રામ્યમાં 7 કેસ, સુરત શહેરમાં 141-ગ્રામ્યમાં 26 કેસ, વડોદરા શહેરમાં 101-ગ્રામ્યમાં 42 કેસ, રાજકોટ શહેરમાં 99 -ગ્રામ્યમાં 25 કેસ અને મહેસાણામાં 44 કેસ નોંધાયા છે. 

આજે ક્યા જિલ્લામાં કેટલા કેસ?

15/12/2020 પોઝિટિવ કેસ
અમદાવાદ 239
સુરત 167
વડોદરા 143
ગાંધીનગર 51
ભાવનગર 12
બનાસકાંઠા 14
આણંદ 10
રાજકોટ 124
અરવલ્લી 4
મહેસાણા 44
પંચમહાલ 22
બોટાદ 3
મહીસાગર 6
ખેડા 23
પાટણ 11
જામનગર 33
ભરૂચ 22
સાબરકાંઠા 13
ગીર સોમનાથ 8
દાહોદ 19
છોટા ઉદેપુર 2
કચ્છ 35
નર્મદા 10
દેવભૂમિ દ્વારકા 7
વલસાડ 2
નવસારી 5
જૂનાગઢ 23
પોરબંદર 1
સુરેન્દ્રનગર 14
મોરબી 11
તાપી 9
ડાંગ 0
અમરેલી 23
મહામારી Gujarat health department કોરોના વાયરસ ગુજરાત coronavirus in Gujarat
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ