ભારતમાં કોરોનાના કેસ 23 લાખને પાર પહોંચી ગયા છે તો ગુજરાતના પણ કેટલાક શહેરોમાં કોરોનાએ ચિંતા વધારી છે. જો કે, કોરોનાના વધતા કેસ વચ્ચે એક સારી બાબત એ પણ છે કે, કોરોનાના દર્દીઓનો રિકવરી રેટ પણ અન્ય રાજ્યોની સરખાણીએ સારો છે. તો ગુજરાતના સુરત, અમદાવાદ, રાજકોટ, વડોદરામાં કોરોનાનું સંક્રમણ વધી રહ્યું છે. ત્યારે રાજ્ય સરકારના આરોગ્ય વિભાગે જાહેર કરેલ પ્રેસનોટ પ્રમાણે ગુજરાતમાં છેલ્લા 24 કલાકમાં 1092 કોરોનાના કેસ નોંધાયા છે. આ સાથે જ રાજ્યમાં કોરોનાના કુલ દર્દીઓનો આંકડો 75,482 પર પહોંચ્યો હતો.
ઉલ્લેખનીય છે કે, આજે 1046 દર્દીઓ સાજા થતાં અત્યાર સુધીમાં કુલ 58,439 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. આમ ગુજરાતમાં સાજા થવાનો દર 77.42 ટકા થયો છે.આ સાથે જ રાજ્યમાં આજે સુરત, અમદાવાદ, દાહોદ, અને વડોદરામાં કોરોનાના સૌથી દર્દીઓ વધુ સાજા થયા છે.
કોરોનાથી કેટલા દર્દીના મોત ?
રાજ્યમાં કોરોનાથી છેલ્લા 24 કલાકમાં 18 દર્દીઓના ભોગ લીધો છે. જેને લઇને અત્યાર સુધીમાં રાજ્યમાં 2,733 દર્દીઓના સારવાર દરમિયાન મોત નિપજ્યા છે. મહત્વનું છે કે, ભારતમાં કોરોના વાયરસના કેસ 23 લાખને પાર થઇ ચૂક્યા છે. જ્યારે દેશમાં અત્યાર સુધીમાં દેશમાં 44 હજારથી વધુ દર્દીઓના મોત થઇ ચૂક્યા છે.
પ્રથમ વખત 50 હજારથી વધુ ટેસ્ટ કરાયા
આપને જણાવી દઇએ કે, રાજ્યોના મુખ્યમંત્રીઓ સાથેની તાજેતરમાં યોજાયેલી બેઠકમાં પ્રધાનમંત્રી મોદીએ ગુજરાત સહિત અનેક રાજ્યોમાં કોરોના ટેસ્ટિંગ વધારવાને લઇને મુખ્યમંત્રીઓને અપીલ કરી હતી ત્યારે ગુજરાતમાં છેલ્લા 24 કલાકમાં 50 હજારથી વધુ કોરોનાના ટેસ્ટિંગ કરવામાં આવ્યા હતા. આ ઘટના સતત બીજી વખત બની છે.
કોરોનાના કુલ કેસનો આંક 30 હજારની નજીક
અમદાવાદમાં બાદ સુરત અને વડોદરામાં કોરોનાના કેસમાં ચોંકાવનારો વધારો થઇ રહ્યો છે. જો કે, સમગ્ર રાજ્યમાં અત્યાર સુધીમાં સૌથી વધુ અમદાવાદમાં નોંધાયા છે. અમદાવાદમાં 27587 કુલ કેસ છે.
રાજ્યના વિવિધ જિલ્લામાં છેલ્લા 24 કલાકમાં નોંધાયેલા કેસની વિગત