મહામારી / આજે 602 નવા કેસ સાથે 855 દર્દી થયાં સાજા, અત્યાર સુધીમાં મૃત્યુ પામનારની સંખ્યા 4350 થઈ

• ગુજરાતમાં કોરોના સંક્રમણમાં ઉત્તરોત્તર ઘટાડો 
• ગત 24 કલાકમાં 602 નવા કેસ 855 દર્દીઓ થયાં સાજા
• રાજ્યમાં અત્યાર સુધીમાં 4350 થઇ

પ્રેસનોટ અનુસાર, ગત 24 કલાક દરમિયાન કોરોનાના 602 નવા કેસ સામે આવ્યા છે. જેથી ગુજરાતમાં અત્યાર સુધીમાં 253,161 દર્દીઓ નોંધાઇ ચૂક્યા છે. રાજ્યમાં કોરોનાથી સાજા થવાનો દર 95.34 ટકા થયો છે. 

રાજ્યમાં 8 હજારથી ઓછા એક્ટિવ કેસ

રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં આજે 855 દર્દી સાજા થયાં અને અત્યાર સુધીમાં કુલ 2,41,372 દર્દીઓ સાજા થયાં છે. તો હાલ 7381 એક્ટિવ કેસ છે. જેમાંથી 58 દર્દીઓ વેન્ટિલેટર પર છે.

રાજ્યમાં 90 ટકા પથારી ખાલી 

રાજ્ય સરકાર દ્વારા કોરોનાને નાથવા માટે કરવામાં આવી રહેલ અથાગ પ્રયાસના ભાગરૂપે રાજ્યમાં 55000 પથારીઓ પૈકીની 90 ટકા પથારીઓ ખાલી છે.આ વાત દર્શાવે છે કે રાજ્યમાં કોરોના સંક્રમણ ઘટ્યું છે. 

ગુજરાતમાં આજે 3 દર્દીના મોત

આજે કોવિડ-19થી 3 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4350 થઇ ગઇ છે. આજે અમદાવાદમાં 1 અને બોટાદ 1 એમ વડોદરા 1 એમ 24 કલાક દરમિયાન કુલ 3 લોકોના કોરોનાથી મોત થયા છે. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.

મહાનગરોમાં કેસમાં ધરખમ ઘટાડો, 150થી ઓછા નોંધાયા કેસ

રાજ્યમાં આજે અમદાવાદ શહેરમાં 129-ગ્રામ્યમાં 4 કેસ, સુરત શહેરમાં 97-ગ્રામ્યમાં 24 કેસ, વડોદરા શહેરમાં 86 ગ્રામ્યમાં 26 કેસ, રાજકોટ શહેરમાં 57-ગ્રામ્યમાં 15 કેસ, નોંધાયા છે.

જિલ્લાઓમાં નોંધાયેલા કોરોનાના કેસના આંકડા