દિવાળી બાદ કોરોનાના કેસમાં ચિંતાજનક ઉછાળો નોંધાયો હતો પરંતુ હવે છેલ્લા અઠવાડિયાથી સ્થિતિ પર કાબૂ આવી રહ્યો હોત તેવું ચોક્કસ લાગી રહ્યું છે. ત્યારે રાજ્ય સરકાર દ્વારા જાહેર કરાયેલ આંકડા પ્રમાણે ગત 24 કલાકમાં નવા 1204 કેસ નોંધાયા છે. આ સાથે જ અત્યાર સુધીમાં 2,26,508 કેસ નોંધાયા છે.
ગુજરાતમાં કોરોના નબળો પડ્યો
24 કલાકમાં નવા 1204 કેસ
1338 દર્દીઓ થયાં સાજા
ઉલ્લેખનીય છે કે,આજે 1338 દર્દીઓ સાજા થયા છે. અત્યાર સુધીમાં કુલ સાજા થયેલા દર્દીઓનો આંકડો 2,08,867 પર પહોંચ્યો છે. 24 કલાક દરમિયાન 12 દર્દીઓના સારવાર દરમિયાન મોત થયા છે તો કુલ મૃત્યુઆંક 4160 પર પહોંચ્યો છે. તો રાજ્યમાં હાલ 68 લોકો વેન્ટિલેટર પર છે.
રાજ્યમાં હાલમાં 13481 એક્ટિવ કેસ
ઉલ્લેખનીય છે કે, રાજ્યમાં હાલમાં 13481 એક્ટિવ કેસ છે. રાજ્યમાં રિકવરી રેટ 92.21 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 60,423 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 86,13,587 પર પહોંચ્યો છે.
અમદાવાદ જિલ્લામાં 260 કેસ
આજે અમદાવાદ શહેરમાં 251, અમદાવાદ જિલ્લામાં 9, સુરત શહેરમાં 158, સુરત જિલ્લામાં 20, વડોદરા શહેરમાં 117, વડોદરા જિલ્લામાં 40, રાજકોટ શહેરમાં 98, રાજકોટ જિલ્લામાં 28, ઉત્તર ગુજરાતના મહેસાણામાં નવા 45 કોરોનાના કેસ નોંધાયા છે. નોંધનીય છે કે, અમદાવાદ બાદ સુરતમાં અને હવે મહેસાણામાં પણ કોરોનાને લઇને સ્થિતિ વધુ વણસેલી છે.
રાજ્યમાં છેલ્લા 24 કલાકમાં નોંધાયેલા જિલ્લાવાર કોરોનાના કેસની વિગત