ટકોર / મોટા અવાજે લાઉડ સ્પીકર-DJ વગાડનારા ચેતી જજો, કડક પગલાં ભરવાનો ગુજરાત HCનો પોલીસને ઓર્ડર

• રાજ્યમાં લાઉડ સ્પીકર અને DJના ધ્વનિ પ્રદૂષણ મામલે હાઇકોર્ટની ટકોર
• સરકારી એડવોકેટ જનરલે પણ ધ્વનિ પ્રદૂષણ એક સમસ્યા હોવાનું સ્વીકાર્યું
• ધ્વની પ્રદૂષણની અરજી મામલે 10 એપ્રિલ બાદ વધુ સુનાવણી હાથ ધરાશે

રાજ્યમાં લાઉડ સ્પીકર અને Dj ધ્વનિ પ્રદૂષણ મામલે હાઈકોર્ટે ટકોર કરી છે. ત્યારે આ મામલો સરકારી એડવોકેટ જનરલે પણ ધ્વનિ પ્રદૂષણ એક સમસ્યા હોવાનું સ્વીકાર્યું છે.  અરજદાર દ્વારા રિજોઈન્ડર દાખલ કરી સૂચનો આપવામાં આવ્યા  હતા. જેમાં અરજદારે ધ્વનિ પ્રદૂષણ મુદ્દે તંત્ર સાથે લોકજાગૃતિ પણ જરૂરી છે. GPCB  ના જાહેરનામા મુજબ અવાજની લિમીટ લગાવવામાં આવે છે તેવી અરજદાર દ્વારા રજૂઆત કરવામાં આવી હતી. 
વધુ સુનાવણી 10 એપ્રિલ બાદ હાથ ધરાશે
ધ્વનિ પ્રદૂષણ મુદ્દે હાઈકોર્ટે રાજ્ય સરકારને મહત્વના નિર્દેશ આપ્યો હતો.  જેમાં હાઈકોર્ટે કહ્યું હતું કે પ્રસંગોનું ઉજવણીના અનુસંધાનની જાણકારી સ્થાનિક પોલીસને આપવી પડશે. તેમજ પાર્ટી પ્લોટ, કોમ્યુનિટી હોલ પર પ્રસંગની જાણકારી પોલીસને આપવી જરૂરી છે. હાઈકોર્ટે પોલીસને કડકાઈથી કામગીરી કરવાનું કહ્યું છે. DJ અને લાઉડ સ્પીકરના ધ્વનિ પ્રદૂષણથી લોકોને હાલાકી થતી હોવા અંગે સરકારે સ્વીકાર્યુ છે.  ત્યારે ધ્વનિ પ્રદૂષણના કારણે થતી સમસ્યાને લઇ જરૂરી કડક પગલા લેવા આદેશ કર્યો છે. તેમજ ધ્વની પ્રદૂષણની અરજી મામલે વધુ સુનાવણી 10 એપ્રિલ બાદ વધુ હાથ ધરાશે.

અમદાવાદ CP વતી સ્પે. બ્રાંચના આસિ. કમિશ્નરે જવાબ  ફાઈલ કર્યો હતો
અગાઉ હાઈકોર્ટમાં થયેલી ધ્વનિ પ્રદૂષણની સુનાવણી મામલે  હાઈકોર્ટે જવાબ માંગ્યો હતો. જેમાં અમદાવાદ CP વતી સ્પે. બ્રાંચના આસિ. કમિશ્નરે જવાબ  ફાઈલ કર્યો હતો. ધ્વનિ પ્રદૂષણ મુદ્દે પોલીસે સમયાંતરે જાહેર કરેલા જાહેરનામાની વિગતો રજૂ કરી છે. 2020-22 દરમિયાન ધ્વનિ પ્રદૂષણના નોંધાયેલા પોલીસ કેસની વિગતો રજૂ કરી  હતી.  પોલીસ દ્વારા જણાવ્યું હતું કે જાહેરનામા ઉલ્લંઘન બદલ 5 ગુના નોંધવામાં આવ્યા છે.  તેમજ ધ્વનિ પ્રદૂષણ અને મંજૂરી વિના સાઉન્ટ સિસ્ટમનો ઉપયોગ કરનાર સામે કાર્યવાહિ કરાઈ રહી છે. તેમજ ધ્વનિ પ્રદૂષણ કરનાર લોકો સામે સખ્ત પગલા લેવામાં આવશે. ત્યારે હાઈકોર્ટમાં વધુ સુનાવણી 30 જાન્યુઆરીના રોજ હાથ ધરાશે.
ધ્વનિ પ્રદૂષણ પર નિયંત્રણ લાવવા જાહેર હિતની અરજી કરાઈ
અગાઉ થયેલી  સુનાવણી દરમ્યાન હાઈકોર્ટે રાજ્ય સરકાર, ગુજરાત પોલ્યુશન કંટ્રોલ બોર્ડ તેમજ ધાર્મિક પ્રસંગોમાં ડીજે કે અન્યા લાઉડસ્પીકર સીસ્ટમના કોઈણ જાતના નીતિ નિયમ વિના રાજ્યભરમાં ધ્વનિ પ્રદૂષણ બહું ગંભીર રીતે ફેલાઈ રહ્યું છે.  જેનાથી લોકોને હેરાન પરેશાન થવાનો વારો આવ્યો છે.  ત્યારે ધ્વનિ પ્રદૂષણ પર નિયંત્રણ લાવવા માટે જાહેર હિતની અરજી કરવામાં આવી  છે. 
વયોવૃદ્ધ તેમજ બાળકોને ભારે હાલાકી ભોગવવી પડે છે
લગ્ન પ્રસંગ, રાજકીય મેળાવડા સહિતના ઉત્સર કે ધાર્મિક રેલી પ્રસંગોમાં ડીજે ટ્રક, મોટા લાઉડસ્પીકર કોઈ પણ જાતના નિતિ નિયમો વગર રાજ્યભરમાં ધ્વનિ પ્રદૂષણ ખૂબ જ ગંભીર રીતે ફેલાઈ રહ્યું છે. જેનાથી નાગરિકોને હેરાન પરેશાન થવાનો વારો આવ્યો છે. તેમજ ધ્વનિ પ્રદૂષણ ફેલાવતા મ્યુઝિક સિસ્ટમને કારણે  બાળકો, વયોવૃદ્ધને ભારે તકલીફ ભોગવવી પડે છે.