સુનાવણી / ગુજરાતી નહીં ભણાવતી શાળાઓ મામલે ગુજરાત HCની કેન્દ્રને નોટિસ, જવાબમાં કહ્યું જરૂર પડ્યે શાળાઓની NOC...

• ગુજરાતમાં ગુજરાતી ભાષા ફરજીયાત ભણાવવાનો મામલો 
• જાહેરહિતની અરજી પર હાઈકોર્ટની કેન્દ્ર સરકારને નોટિસ
• કેંદ્રીય વિદ્યાલયોમાં ગુજરાતી ભાષા ન ભણાવાતા હોવાની અરજદારની હતી રજૂઆત

રાજ્યમાં પ્રાથમિક શાળાઓમાં ગુજરાતી ભાષા ફરજિયાત ભણાવવા મામલે જાહેર હિતની અરજી થવા પામી હતી. જે અરજીના આધારે હાઈકોર્ટે કેન્દ્ર સરકારને નોટીસ ફટકારી હતી. ત્યારે કેન્દ્રીય વિદ્યાલયોમાં ગુજરાતી ભાષા ન ભણાવતા હોવાની અરજદારની રજૂઆત હતી.  ત્યારે આ મામલે હાઈકોર્ટ દ્વારા ગુજરાતી નહી ભણાવતી શાળાઓ સામે શું પગલા લેવાશે તે મામલે સરકારી વકીલને પૂછતા સરકારી વકીલે હાઈકોર્ટને કહ્યું હતું કે ગુજરાતી ન ભણાવતી શાળાઓને નોટિસ ઈશ્યું કરીશું.

વધુ સુનાવણી 3 સપ્તાહ બાદ હાથ ધરાશે
ત્યારે વધુમાં સરકારી વકીલે જણાવ્યું હતું કે જે સ્કૂલમાં ગુજરાતી નહી ભણાવવામાં આવતું હોય તે શાળાઓની જરૂર પડ્યે એનઓસી પણ રદ્દ કરીશું. ત્યારે ગુજરાતી ભાષા ફરજીયાત ભણાવવા કાયદો બનાવવાની જરૂરીયાત નથી. અને રાજ્યની 23 શાળાઓ ગુજરાતી ન ભણાવતી હોવાની અને તેમના વિરૂદ્ધ પગલા લેવાયાની હાઈકોર્ટને જાણ કરાઈ છે.  ત્યારે આ બાબતે વધુ સુનાવણી 3 સપ્તાહ બાદ હાથ ધરાશે.
સુરતની 3 સ્કૂલોને નોટિસ ફટકારી ખુલાસો માંગ્યો હતો 
અગાઉ સુરતની ત્રણ સ્કૂલમાં ગુજરાતી ભણાવવામાં ન આવતું હોવાનું સામે આવતા જીલ્લાશિક્ષણાધિકારીએ ત્રણેય સ્કૂલોને નોટિસ ફટકારી હતી અને ખુલાસો માંગ્યો હતો. ત્યારે મહત્વનું છે કે શિક્ષણ વિભાગે તમામ શાળામાં ગુજરાતી ફરજિયાત કરવાનો આદેશ આપ્યો હતો.