સર્વે / વેપારમાં ગુજરાતીઓની તોલે કોઈ ન આવે! આ યાદીમાં ફરી ગુજરાત નંબર વન, UPએ પણ કર્યું સારું પ્રદર્શન

• વેપારમાં ગુજરાતીઓની તોલે કોઈ ન આવે! 
• ગુજરાત 21 રાજ્યોની યાદીમાં પ્રથમ સ્થાને
• સર્વેમાં ઉત્તર પ્રદેશમાં સૌથી વધુ સુધારો

ગત વર્ષ કોરોના મહામારીને પગલે દેશ અને રાજ્યને આર્થિક મંદીમાં આવી ગયો હતો, કોરોના કાળમાં લોકડાઉ અને કર્ફ્યૂને કારણે પરિવહન અને ઉદ્યોગ ધંધાને માઠી અસર પહોંચી હતી, પરતું હવે ગાડી પાટા પર ચઢી રહી હોય તેવું લાગી રહ્યું છે. કેમ કે વેપાર ઉદ્યોગમાં ગુજરાતે ફરી એકવાર પ્રથમ ક્રમ જાળવી રાખ્યો છે. લોજિસ્ટિક ઈન્ડેક્સ પ્રમાણે ગુજરાતે અન્ય રાજ્યોની સરખામણીમાં સારું પ્રદર્શન કર્યું છે.

 21 માપદંડોને આધારે લોજિસ્ટિક સર્વે 

આ વર્ષે મે-ઓગસ્ટ મહિનામાં લોજિસ્ટિક સર્વે કરવામાં આવ્યો હતો આ સર્વે 21 માપદંડોને આધારે કરવામાં આવતો હોય છે જેમાં ગુજરાત ફરી એક વાર પ્રથમ નંબરે આવ્યું છે, લોજિસ્ટિક ઇન્ડેક્સ ચાર્ટમાં ગુજરાતે પોતાનું ટોચનું સ્થાન જાળવી રાખ્યું છે તેમ વાણિજય  મંત્રાલય દ્વારા જારી કરવામાં આવેલા અહેવાલમાં સામે આવ્યું છે. વાણિજય અને ઉદ્યોગ પ્રધાન પિયૂષ ગોયલે લોજિસ્ટિક્સ ઇઝ એક્રોસ ડિફરન્ટ સ્ટેટ્સ 2021નો અહેવાલ રજૂ કર્યો હતો. જેમાં ગુજરાત 21 રાજ્યોની યાદીમાં પ્રથમ સ્થાને છે. ગુજરાત પછી આ યાદીમાં અનુક્રમે હરિયાણા, પંજાબ, તમિલનાડુ અને મહારાષ્ટ્ર આવે છે. આ ઇન્ડેક્સ નિકાસ અને આર્થિક વૃદ્ધિને વેગ આપવા માટે જરૂરી લોજિસ્ટિક સેવાઓેની કુશળતાના સંકેત છે. 

વેપારમાં ગુજરાતીઓની તોલે કોઈ ન આવે!

આ યાદીમાં પશ્ચિમ બંગાળ  15મા, રાજસ્થાન 16મા, મધ્ય પ્રદેશ 17મા, ગોવા 18મા, બિહાર 19મા, હિમાચલ પ્રદેશ 20મા અને આસામમાં 21મા ક્રમે છે. આપને જણાવી દઈએ કે પ્રથમ લોજિસ્ટિક અહેવાલ 2018 માં જાહેર કરવામાં આવ્યો હતો. જો કે ગયા વર્ષે કોરોના મહામારીને કારણે આ યાદી જાહેર કરવામાં આવી ન હતી, પરતું આ 2021ના લોજિસ્ટિક ઈન્ડેક્સને જોતા કહી શકાય છે કે વેપારમાં ગુજરાતીઓની તોલે કોઈ ન આવે! 

લૉજિસ્ટિક સર્વેમાં ઉત્તર પ્રદેશમાં સૌથી વધુ સુધારો

લૉજિસ્ટિક સર્વેમાં ઉત્તર પ્રદેશમાં સૌથી વધુ સુધારો જોવા મળી રહ્યો છે, ઉત્તર પ્રદેશ 13માં સ્થાને આગળ વધીને સીધા જ 6 સ્થાન પર આવી ગયું છે. આ ઇન્ડેકસનો ઉદ્દેશ રાજ્યોમાં લોજિસ્ટિક સંબધી દેખાવોમાં સુધારો કરવાનો છે. જે દેશના વેપારમાં સુધાર અને લેવડદેવડના ખર્ચને દૂર કરવા માટે જરૂરી છે. પૂર્વોત્તર રાજ્યો અને હિમાલયના કેન્દ્ર શાસિત પ્રદેશોની યાદીમાં જમ્મુ-કાશ્મીર ટોચ પર છે. જ્યારે કેન્દ્ર શાસિત રાજ્યોમાં દિલ્હી ટોચ પર છે.