ચાબખા / ગુજરાત ડ્રગ્સનું હબ બની ગયું છે: ભાજપ સરકાર પર કોંગ્રેસનાં રાષ્ટ્રીય પ્રવક્તાના આકરા પ્રહાર

• બનાસકાંઠા  આવેલા પવન ખેરા 
• કોંગ્રેસનાં રાષ્ટ્રીય પ્રવક્તા છે ખેરા 
• ભારતીય જનતા પાર્ટી પર લગાવ્યા આરોપ 

કોંગ્રેસના રાષ્ટ્રીય પ્રવકતા પવન ખેરા બનાસકાંઠાની મુલાકાતે આવ્યા હતા. રાષ્ટ્રીય પ્રવક્તા ખેરાએ રાજ્યની ભાજપ સરકાર પર આકરા પ્રહાર કર્યા હતા.ખેરાએ કહ્યું કે, ગુજરાતમાં CM અને મંત્રીઓ બદલીને ભાજપ પોતાની સરકારની નિષ્ફળતા ઉજાગર ના થાય તે હેતુથી  છૂપાવાનો પ્રયાસ કરી રહ્યો છે. ખેરાએ ગુજરાતને ડ્રગ્સનું હબ પણ ગણાવી દીધું હતું.

પંજાબમાં દિવાળી -ખેરા 
ગુજરાતમાં બનાસકાંઠાની મુલાકાતે આવેલા કોંગ્રેસના રાષ્ટ્રીય પ્રવક્તા પવન ખેરાએ ગુજરાત ભાજપની નિષ્ફળતા ઉપરાંત પંજાબમાં મુખ્યમંત્રી પદ સાથે ગુજરાતમાં આવતા ડ્રગ્સ પર ટીપ્પણી કરી હતી. ગુજરાતમાં કોરોનાની બીજી લહેર બાદ અચાનક આખી સરકારનું બદલાઈ જવું તે ભાજપની ઘોર નિષ્ફળતા હોવાનું જણાવી ખેરાએ કહ્યું કે, આખું મંત્રી મંડળ બદલાઈ જાય તે નિષ્ફળતા નહિ તો બીજું શું ? તેમણે,પંજાબમાં કોંગ્રેસની સ્થિતિ પર કહ્યું કે,પંજાબમાં CM અંગેના નિર્ણય પર પ્રજા દિવાળી મનાવી રહી છે. પંજાબમાં પણ કોંગ્રેસમાં યાદવાસ્થળી જેવી સ્થિતિ છે.પંજાબના મુખ્યમંત્રી અમરિંદર સિંહનું રાજીનામું,પ્રદેશ અધ્યક્ષ પદેથી નવજોતસિંહ સિદ્ધુનું રાજીનામું, પંજાબનું સુકાન ચન્નીના હાથમાં અને સામે 6 મહિના પછી વિધાનસભા ચૂંટણી છે ત્યારે,ખેરા કોન્ગ્રેસના બચાવની ભૂમિકામાં નજરે પડ્યા.

 ગુજરાત ડ્રગ્સનું હબ : પવન ખેરા 

તાજેતરમાં જ સૌરાષ્ટ્રના સમુદ્રી માર્ગે ઝડપાયેલા કરોડો રૂપિયાના ડ્રગ્સ પર કોંગ્રેસનાં રાષ્ટ્રીય પ્રવકતાએ કહ્યું કે, ગુજરાત ડ્રગ્સનું હબ બની ગયું છે.અને ગુજ્રરાતમાંથી મોટા પાયે સ્મગલિંગ થઇ રહ્યું હોવાનો આરોપ લગાવ્યો હતો. ઉલ્લેખનીય છેકે, મુન્દ્રા બંદરે કન્ટેનર્સમાંથી અને પોરબંદરમાં 7 જેટલા ઈરાની નાગરિકોની આવા જ મુદ્દે ઘરપકડ કરાઈ હતી.ખેરા એ,ગુજરાતના યુવાઓને રોજગારી મળી રહે તે માટે માં અંબાને પ્રાર્થના પણ કરી છે.
યાદ રહે કે, પાંચ રાજ્યોની ચૂંટણી પછી,ગુજરાતમાં પણ 2022માં વિધાનસભા ચૂંટણી છે ત્યારે, કોન્ગ્રેસના રાષ્ટ્રીય પ્રવક્તા ખેરાએ રાજ્ય સરકાર પર વ્યંગ્ય કરવાની કોઈ તક ચૂક્યા નહોતા