Tuesday, August 20, 2019
સબસ્ક્રાઈબ કરો VTVGujarati ન્યુઝ Whatsapp

Result / ધોરણ-12 સાયન્સનું પરિણામ 71.90%, 10 ટકાથી ઓછાં પરિણામવાળી શાળાઓ થઈ ડબલ

ધોરણ-12 સાયન્સનું પરિણામ 71.90%, 10 ટકાથી ઓછાં પરિણામવાળી શાળાઓ થઈ ડબલ

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ગત તા.૭ માર્ચથી ૧૬ માર્ચ દરમિયાન લેવાયેલી ધો.૧૨ સાયન્સની પરીક્ષાનું પરિણામ આજે ૭૧.૯૦ ટકા  જાહેર કરાયું છે, જે ગત વર્ષની તુલનાએ ૧.૦૯ ટકા ઓછું હોવા સાથે પરિણામમાં ઘટાડાનો ટ્રેન્ડ સતત સાતમા વર્ષે ચાલુ રહ્યો છે. અમદાવાદ શહેરનું પરિણામ ૭૭.૦૧ જયારે અમદાવાદ ગ્રામ્યનું પરિણામ ૮૧.ર૮ ટકા જાહેર થયું છે.

અમદાવાદઃ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ગત તા.૭ માર્ચથી ૧૬ માર્ચ દરમિયાન લેવાયેલી ધો.૧૨ સાયન્સની પરીક્ષાનું પરિણામ આજે ૭૧.૯૦ ટકા  જાહેર કરાયું છે, જે ગત વર્ષની તુલનાએ ૧.૦૯ ટકા ઓછું હોવા સાથે પરિણામમાં ઘટાડાનો ટ્રેન્ડ સતત સાતમા વર્ષે ચાલુ રહ્યો છે. અમદાવાદ શહેરનું પરિણામ ૭૭.૦૧ જયારે અમદાવાદ ગ્રામ્યનું પરિણામ ૮૧.ર૮ ટકા જાહેર થયું છે.

શહેરનું એલિસબ્રિજ કેન્દ્ર ૮પ.૮૧ ટકા સાથે પ્રથમ જ્યારે અમદાવાદ ગ્રામ્યનું ધંધૂકા કેન્દ્ર ૮૯.૭૭ ટકા સાથે પ્રથમ રહ્યું છે. ૧૦૦ ટકા પરિણામ ધરાવતી શાળાઓની સંખ્યા આ વર્ષે ઘટીને ૩પ થઈ છે, જે  ગત વર્ષે ૪ર હતી જયારે ૧૦ ટકા કરતાં પણ ઓછું પરિણામ ધરાવતી શાળાઓમાં ૧૪ શાળાઓના વધારા સાથે ૪૯ શાળાઓ નોંધાઈ છે, જે ગત વર્ષે ર૬ હતી, જે શિક્ષણનું સ્તર ઘટતું હોવાનો સંકેત છે.

બોર્ડે ધો.૧૨ સાયન્સનાં પરિણામની સાથે ગુજકેટનું પરિણામ તથા ધો.૧૨ સાયન્સ સેમેસ્ટર પદ્ધતિનું પરિણામ પણ એકસાથે જ જાહેર કર્યું છે. રાજ્યમાં ૮૪.૧૭ ટકા સાથે રાજકોટ જિલ્લો પ્રથમ છે, સૌથી વધુ પરિણામ ધરાવતું કેન્દ્ર સતત બીજા વર્ષે ધ્રોલ રહ્યું છે, જ્યારે સૌથી ઓછું પરિણામ ધરાવતો જિલ્લો સતત બીજા વર્ષે છોટાઉદેપુર રહ્યો છે.

સૌથી ઓછું પરિણામ ધરાવતું કેન્દ્ર ગત વર્ષની જેમ જ બોડેલી રહ્યું છે. રાજ્યમાં કુલ ૧૩૯ કેન્દ્ર અને પેટા કેન્દ્ર પર ૧,૪૭,૭૮૯ પરીક્ષાર્થીઓ નોંધાયા હતા. તે પૈકી  ૧,૪૬,૮૦૮ પરીક્ષાર્થીઓ ઉપસ્થિત રહ્યા હતા. એવન ગ્રેડ મેળવનાર વિદ્યાર્થીઓની સંખ્યા ૨૫૪ છે, જ્યારે એટુ ગ્રેડ મેળવનાર કુલ વિદ્યાર્થીઓની સંખ્યા ૩૬૯૬ છે.

ગ્રૂપ Aમાં ૪૯,૩૪૯ વિદ્યાર્થીઓએ પરીક્ષા આપી  હતી તે પૈકી ૧૯૬ વિદ્યાર્થીઓને A-૧ ગ્રેડ અને ૨૪૦૯ વિદ્યાર્થીઓને A-2 ગ્રેડ B ગ્રૂપમાં ૭૪૪૮૩ વિદ્યાર્થીઓએ પરીક્ષા આપી હતી. તે પૈકી ૫૮ વિદ્યાર્થીઓને A-1 અને ૧૨૭૮ વિદ્યાર્થીઓને A-2 ગ્રેડ મળ્યો છે. જ્યારે ગ્રૂપ A-Bમાં ૨૮ વિદ્યાર્થીઓ પરીક્ષા આપી હતી તે પૈકી માત્ર ૩ વિદ્યાર્થીઓને A-2 ગ્રેડ મળ્યો છે. આમ A-1ના કુલ ૨૫૪ અને A-2ના કુલ ૩૬૯૦ વિદ્યાર્થીઓ છે.

અંગ્રેજી માધ્યમનું પરિણામ ૭પ.૯૦ ટકા ગુજરાતી માધ્યમનું પરિણામ ૭૧.૦૯ ટકા, A-ગ્રૂપનું ૭૮.૯ર ટકા, B ગ્રુપનું ૬૭.ર૬ ટકા પરિણામ AB ગ્રૂપનું ૬૪.ર૯ ટકા પરિણામ જાહેર થયું છે. ૭૧.૮૦ ટકા વિદ્યાર્થીઓ અને ૭ર.૦૧ ટકા વિદ્યાર્થિનીઓ ઉત્તીર્ણ થયા છે. અંગ્રેજી માધ્યમનું ૭પ.૧૩ ટકા પરિણામ જાહેર કર્યું છે.
દરેક વખતની જેમ આ વખતે પણ વિદ્યાર્થિનીઓએ જ મેદાન માર્યું છે.

આ વખતે ૭૧.૮૦ ટકા વિદ્યાર્થીઓ અને ૭ર.૦૧ ટકા વિદ્યાર્થિનીઓ પાસ થયાં છે. જ્યારે આ વર્ષે પણ ગુજરાતી માધ્યમ કરતાં અંગ્રેજી માધ્યમનું પરિણામ વધુ આવ્યું છે. અંગ્રેજી માધ્યમનું પરિણામ ૭પ.૧૩ ટકા અને ગુજરાતી માધ્યમનું પરિણામ ૭૧.૦૯ ટકા પરિણામ જાહેર થયું છે. તે જોતાં ગુજરાત માધ્યમિક શિક્ષણ બોર્ડના વિદ્યાર્થીઓમાં પણ અંગ્રેજી માધ્યમનો ક્રેઝ વધી રહ્યો છે.

ઉલ્લેખનીય છે કે, કુલ ૧,ર૪,૬૯૪ ‌નિયમિત વિદ્યાર્થીઓએ પરીક્ષા માટે ર‌િજસ્ટ્રેશન કરાવ્યું હતું, જેમાંથી કુલ ૧,ર૩,૮૬૦ વિદ્યાર્થીઓએ પરીક્ષા આપી હતી.
બોર્ડે ધો.૧૨ સાયન્સમાં ચાલુ વર્ષે પણ સેમેસ્ટર સિસ્ટમ વગરની પરીક્ષા યોજી હતી. આ પરીક્ષામાં સમગ્ર રાજ્યમાંથી ૧.૪૭ લાખ વિદ્યાર્થી નોંધાયા હતા, જેમાં એ-ગ્રૂપના ૫૭૫૧૧, બી-ગ્રૂપના ૮૯,૭૬૦ અને એબી ગ્રૂપના ૩૧ વિદ્યાર્થી નોંધાયા હતાં.

ધો.૧૨ સાયન્સની પરીક્ષા ૭ માર્ચના રોજ શરૂ થઈ હતી અને ૧૬ માર્ચના રોજ પૂર્ણ થઈ હતી. આ વર્ષે ૧ર વિજ્ઞાનપ્રવાહમાં પરીક્ષા માટે રજિસ્ટર્ડ થયેલા વિદ્યાર્થીઓમાં ગયા વર્ષની સરખામણીએ ૩૬ હજારનો વધારો થયો છે. ધો.૧૨ સાયન્સમાં સમગ્ર ગુજરાતમાંથી ૧.૪૭ લાખ વિદ્યાર્થી અને ગુજકેટમાં ૧.૩૪ લાખ વિદ્યાર્થી નોંધાયા હતા. ધો.૧૨ સાયન્સ સેમેસ્ટર સિસ્ટમના ૧૦ હજાર વિદ્યાર્થીએ પરીક્ષા આપી હતી.

આજે જ બપોર સુધીમાં શાળાઓ પર ધો.૧૨ સાયન્સ અને ગુજકેટની માર્કશીટ મોકલી દેવાશે. ગત વર્ષ કરતાં આ વર્ષે પરિણામ એક દિવસ વહેલું જાહેર કરાયું છે. રાજ્યભરમાં લેવાયેલી ધો. ૧૨ સામાન્ય વિજ્ઞાન પ્રવાહની પરીક્ષામાં ગેરરીતિના કુલ ૩૬૫ કેસો નોંધાયા છે. જે ગત વર્ષની તુલનાએ ૧૪૫ વધ્યા છે. આ તમામના પરિણામો પણ અનામત રાખવામાં આવ્યાં છે.

સેમેસ્ટર પદ્ધતિના કુલ ૧૦,૩૮૯ વિદ્યાર્થીઓ નોંધાયા હતા તે પૈકી ૧૦,૩૧૫ પરીક્ષા આપી હતી. આ પરિણામની ટકાવારી ૧૨.૮૬ ટકા આવી છે. માત્ર ૧,૩૨૭ વિદ્યાર્થીઓ પાસ થયા છે. ગેરરીતિના કુલ ૪૬ કેસ થયા હતા. આ તમામ ૪૬ વિદ્યાર્થીઓના પરિણામ હાલમાં અનામત રાખવામાં આવ્યા છે. ૨૦ ટકા પાસિંગ સ્ટાન્ડર્ડનાં લાભ સાથે કુલ ૪૭ દિવ્યાંગ વિદ્યાર્થીઓ પાસ થયાં છે.

 

જોવા જેવું વધુ જુઓ

બ્રેકિંગ ન્યૂઝ