દાહોદના સાહડા ગામે ચૂંટણીમાં એક અજીબ ઘટના સામે આવી છે. ચૂંટણીમાં નિરક્ષરતાનું પ્રમાણથી થતી મુશ્કેલી અંગે પણ જોવા મળ્યું છે.
દાહોદના સાહડાની અજીબ ઘટના
ચૂંટણીમાં નિરક્ષરતા સામે આવી
મતદાતાઓએ ટેબલ પર માર્યા સિક્કા
ગ્રામ પંચાયતની ચૂંટણીમાં ઉમેદવારનું નિશાન ટેબલ હતું. જે નિશાનથી ઉમેદવારે બેલેટ પેપરમાં ટેબલ ઉપર સિક્કો મારી મત આપવા જણાવ્યું હતું. પરંતુ નિરક્ષરતાને કારણે લોકોએ મતદાન મથકના ટેબલ ઉપર સિક્કા મારી કોરા બેલેટ પેપર મતપેટીમાં નાંખ્યા હતા.
ટેબલ માર્યા મતદાતાઓએ સિક્કા
મતદારોમાં મતદાનની સમજ ન હોવાનું તારણ સામે આવ્યું છે. સાહડામાં રદ થયેલા મતોની સંખ્યા 198 છે. જેમાંથી મહત્તમ મતો કોરા નીકળ્યા હતા. ટેબલના ચિહ્ન વાળા મહિલા ઉમેદવારને 544 મતો મળ્યા જ્યારે હરિફ મહિલા ઉમેદવારને 575 મતો મળ્યા હતા. ટેબલનું નિશાન ધરાવતા ઉમેદવારો 31 મતે પરાજય થયો હતો. મતદારોએ બેલેટ પેપર પર મતદાન કર્યું હોય તો ટેબલના નિશાન વાળા ઉમેદવાર વિજયી બન્યા હોત.
ગ્રામ પંચાયતની મતગણતરી સમયે કેટલીક મહત્વની ઘટના બની છે. ભરૂચના ઝઘડિયા તાલુકાના મતગણતરી કેન્દ્રમાં સાપ નીકળતા દોડધામ થઇ ગઇ હતી. આ કારણોસર મતગણતરી પ્રક્રિયા 5 મિનિટ બંઘ કરવી પડી હતી. સાપને પકડી સુરક્ષિત જગ્યા પર છોડ્યા બાદ ફરી પ્રક્રિયા હાથ ધરવામાં આવી હતી.
હિંમતપુરા ગામમાં મતપેટીમાંથી નિકળ્યા રૂપિયા
તો વડોદરા જિલ્લાના ડેસર તાલુકાના હિંમતપુરા ગ્રામ પંચાયતની મતગણતરી સમયે મતપેટીમાંથી રૂપિયા નિકળ્યા હતાં. જેમાં ઉમેદવારની પ્રેશર કુકરની નિશાની સાથે 10 અને 50 રૂપિયાની નોટ નીકળી હતી. આમ મતદારે ઉમેદવારને મત આપ્યાના પુરાવા આપ્યા હતા. પરંતુ મતપેટીમાં જે ઉમેદવારના નિશાન સાથેની નોટ નાંખી તે ઉમેદવારની હાર થઈ છે.
ચોરા ડુંગરીમાં નાની બાળકીએ નક્કી કર્યા સરપંચ, ફતેપુર અને ફરેડી ગ્રામ પંચાયતની મતગણતરીમાં ટાઇ
પંચમહાલ કાલોલ તાલુકામાં ચોરાડુંગરી ગ્રામપંચાયતની ચૂંટણીમાં ટાઇ પડી છે. સભ્યપદના વોર્ડનં. 2ના સભ્યોને 34-34 મત મળતા ટાઇ પડી હતી. જોકે નાની બાળકીએ ચિઠ્ઠી ઉછાળી વિજેતાનું નામ નક્કી કર્યું હતું. જ્યારે અમરેલીની ફતેપુર ગ્રામ પંચાયતની મતગણતરીમાં ટાઇ પડી છે. સરપંચ પદના બન્ને ઉમેદવારોને મળ્યા એક સરખા મત મળ્યા છે. બન્ને વચ્ચે ટાઇ પડતા ચિઠ્ઠી ઉછાળી વિજેતા જાહેર કરાયા છે. ચિઠ્ઠી ઉછાળતા ક્રિશ્નાબેન પરમાર વિજેતા થયા છે. જ્યારે મોડાસાની ફરેડી ગ્રામ પંચાયતમાં પણ ટાઈ પડી છે. ફરેડી ગ્રામ પંચાયતમાં સરપંચ પદના મહિલા ઉમેદવારો વચ્ચે ટાઈ પડી છે. રિ-કાઉન્ટિંગની પ્રક્રિયા હાથ ધરવામાં આવી છે.
ભરૂચ મહિલા પોલીસ કર્મી પોતાના બાળક સાથે બંદોબસ્તમાં જોડાઇ
તો ભરૂચમાં મહિલા પોલીસકર્મી બાળક સાથે બંદોબસ્તમાં જોડાઇ હતી. કે.જે. પોલિટેકનિક કોલેજમાં ફરજ પર મહિલા પોલીસકર્મી પહોંચી હતી. ઘરે કોઈ ન હોવાથી મહિલા બાળક સાથે બંદોબસ્તમાં જોડાઈ હતી.
ભાવડા ગામે સગા ભાણેજ સામે મામાની થઇ હાર
અમદાવાદ જિલ્લામાં ગ્રામપંચાયતની ચૂંટણીનું પરિણામ જાહેર થયું છે. ત્યારે ભાવડા ગામે સગા ભાણેજ સામે મામાની હાર થઇ છે. ભાણાનો 200 મતથી મામા સામે વિજય થયો છે. ભાવડા ગામે ચમનજી ઠાકોરની મામા લખમણજી સામે જીત થઇ છે.
મોરબીના નારણકા ગામે દેરાણી અને જેઠાણીને પછાડી ભત્રીજા વહુ વિજેતા થયા છે. નારણકા ગામે સરપંચ તરીકે ભાણીબેન બોખાણી સરપંચ પદે 175 મતે વિજેતા થયા છે.
ભાજપ નેતાના માતાની ચૂંટણીમાં હાર
અમરેલીમાં ભાજપ નેતાના માતાની ચૂંટણીમાં હાર થઇ છે. પ્રદેશ ભાજપ કિસાન મોરચાના મહામંત્રીના માતાની હાર થઇ છે. હિરેન હિરપરાના માતાની 48 મતથી હાર થઇ છે. ધારીના દિતલા ગામમાં શારદાબેન હિરપરાની 48 મતથી હાર થઇ છે.
સુરતના નઘોઈ ગામમાં ગ્રામ પંચાયતની ચૂંટણીમાં ચોંકવનારું પરિણામ આવ્યું છે. મંત્રી મુકેશ પટેલના સમર્થિત ઉમેદવારની હાર થઈ છે. નઘોઈ ગામમાં કરીશ્માબેનને 360 મત મળ્યા છે. હરીફ ગીતાબેન પટેલને 367 મત મળ્યા છે. સતત 3 વખત રિકાઉન્ટિંગ કરવામાં આવ્યું છતાં પરિણામમાં કોઈ ફરક પડ્યો નથી. હાલ ચોથી વખત રિકાઉન્ટની પ્રક્રિયા હાથ ધરવામાં આવી છે. તો મહેસામાના લાખવડ ગ્રામ પંચાયત ચૂંટણીમાં ભાજપના વરિષ્ઠ નેતા પ્રહલાદ પટેલ સરપંચ પદના ઉમેદવારમાં હાર્યા છે. જ્યારે પુત્ર નરેશ પટેલ વોર્ડ નંબર 4માં સભ્ય ઉમેદવારમાં હાર્યા છે.