વાંચવા માંડજો / પંચાયત વિભાગે બહાર પાડી બમ્પર ભરતી, જુનિયર ક્લાર્ક વર્ગ-3 માટે કાલથી અરજી ફોર્મ ભરાશે, જુઓ કેટલી છે જગ્યા?

• ગ્રામ પંચાયત સેવા પસંદગી બોર્ડ દ્વારા નવી ભરતી જાહેર
• જુનિયર ક્લાર્ક વર્ગ-3 સંવર્ગની સીધી ભરતીની જાહેરાત
• કુલ 1181 જગ્યાઓ માટે ભરતી જાહેર કરાઇ

ગુજરાતમાં છેલ્લા સપ્તાહથી એક બાદ એક રાહતના સમાચાર આવી રહ્યા છે. કોરોના કેસોમાં ધરખમ ધટાડો નોંધાયા બાદ રાત્રિ કર્ફ્યૂ અને લગ્ન જેવા કાર્યક્રમોમાં પણ મોટી છૂટ આપી દેવામાં આવી છે. તો બીજી તરફ સરકારી ભરતીની જાહેરાતો પણ એક બાદ એક કરવામાં આવી રહી છે. આજે ગુજરાત સરકારના પંચાયત વિભાગે વધુ એક ભરતીની જાહેરાત કરી છે. 

ગુજરાત પંચાયત સેવા પસદગી મંડળ, ગાંધીનગર દ્વારા પંચાયત સેવા વર્ગ-૩ના જુનીયર કલાર્ક (વહીવટ/હિસાબ) (વર્ગ-૩) સીધી ભરતીથી ઉમેદવારો પસંદ કરવા માટે તા.૧૮-૦૨-૨૦૨૨ થી તા.૦૮-૦૩-૨૦૨૨ દરમ્યાન ઓનલાઇન અરજીપત્રકો મંગાવવામાં આવેલ છે . pic.twitter.com/2SPqXPZvmO

— Brijesh Merja (@brijeshmeja1) February 17, 2022

1181 જગ્યાઓ માટે કાલથી ઓનલાઇન અરજી ફોર્મ ભરાવવાનું શરૂ
ગ્રામ પંચાયત સેવા પસંદગી બોર્ડ દ્વારા નવી ભરતી જાહેર કરવામાં આવી છે. જુનિયર ક્લાર્ક વર્ગ-3 સંવર્ગની સીધી ભરતી કરવાનો નિર્ણય લેવામાં આવ્યો છે.કુલ 1181 જગ્યાઓ માટે અરજી ફોર્મ મંગાવવાની પ્રક્રિયા હાથ ધરવામાં આવી છે. આવતીકાલે શુક્રવારથી ભરતી માટે ઓનલાઇન ફોર્મ ફરી શકાશે. જે 8 માર્ચ સુધી ચાલશે.જેના ફોર્મ ઓજસની વેબસાઇટ પરથી ભરી શકાશે. વધુ માહિતી માટે  gsssb.gujarat.gov.in પર પરીક્ષાના આયોજન વિશે અપડેટ રહેવા માટે જણાવવામાં આવ્યું છે.

CPT સિનિયર ક્લાર્કની પરીક્ષા એક સપ્તાહ બાદ લેવાશે
અસિત વોરાના રાજીનામાં બાદ GSSSBના ઇન્ચાર્જ ચેરમેન એ.કે.રાકેશ જવાબદારી સંભાળી રહ્યા છે. પરીક્ષાઓ સુચારું રૂપે કોઈ ક્ષતિ વગર લેવાય તે માટે પરીક્ષાના આયોજન માટે વધુ સમય લઈ રહ્યા છે ત્યારે બિન સચિવાલય પરીક્ષા બાદ વધુ એક પરીક્ષા પાછી ઠેલાઈ છે.  CPT સિનિયર ક્લાર્ક (કોમ્પ્યુટર) ની પરીક્ષા એક સપ્તાહ બાદ લેવાશે તેવી જાહેરાત કરવામાં આવી છે.  ગુજરાત ગૌણ સેવા પસંદગી મંડળ આ પ્રિલીમનરી પરીક્ષા બાદ કોમ્યુટર ટેસ્ટનું આયોજન કરે છે. સિનિયર ક્લાર્ક જાહેરાત નંબર 185/201920ની કુલ પોસ્ટ 1497 માટે ભરતી પ્રક્રિયા ચાલુ છે. જે માટે ભરતીમાં લાયક ઉમેદવારો તારીખ 24/02/2022 થી 27/02/2022 સુધી કોમ્યુટર પ્રોફિશિયન્સી ટેસ્ટ CPTનું આયોજન કરવામાં આવ્યું હતું. પણ કોઈ કારણોસર GSSSBના ઇન્ચાર્જ ચેરમેન એ.કે.રાકેશે ટ્વીટ કરી માહિતી આપી છે કે CPT સિનિયર ક્લાર્કની પરીક્ષા એક સપ્તાહ બાદ લેવાશે.