ગ્રામ પંયાયતની ચૂંટણીના પરિણામાં સવારે 9 વાગ્યાથી આવવાના શરૂ થઈ ગયા છે ત્યારે રાજકોટના રીબ ગામ ખાતે ચૂંટણી પરિણામમાં ખરાખરી જોવા મળી હતી.
ગ્રામપંચાયતની ચૂંટણીનું પરિણામ
ગોંડલમાં વેવાઇએ વેવાઇને હરાવ્યા
રીબ ગામના સરંપચ બન્યા નીરુભા જાડેજા
ગુજરાતનાં તમામ કેન્દ્રો પર મતગણતરીની પ્રક્રિયા શરૂ કરવામાં આવી, પોલીસનો ચાંપતો બંદોબસ્ત ગોઠવાયો છે અને રાજ્યની 8 હજારથી વધુ ગ્રામપંચાયતોના સરપંચ અને સભ્યોનું આજે ભાવિ નક્કી થવાનું છે ત્યારે રાજકોટ જિલ્લાના ગોંડલ તાલુકાના રીબ ગામ જોરદાર ટ્વીસ્ટ જોવા મળ્યો હતો.
વેવાઈએ વેવાઈને હરાવ્યા
ગોંડલના રીબ ગામમાં વેવાઇએ વેવાઇને હરાવ્યા છે. ઉલ્લેખીય છે કે, રીબ ગામના સરપંચ તરીકે નીરૂભા જાડેજા વિજેતા થયાં હતા અને તેમના વેવાઈનો પરાજય થયો હતો. જો કે, પરિણામ બાદ બંન્ને વેવાઈ ભેટી પડ્યા હતા.
કયા ઝોનમાં કેટલું થયું છે મતદાન?
રાજ્યમાં 8,684 ગ્રામ પંચાયતોની ચૂંટણીઓનું પરિણામ 21 ડિસેમ્બરે જાહેર થનાર છે. ત્યારે જો રાજ્યમાં સરેરાશ જો મતદાનની ટકાવારીની વાત કરવામાં આવે તો રાજ્યમાં કુલ 74.70 ટકા જેટલું સરેરાશ મતદાન થયું છે. જેમાં સૌથી વધુ ઉત્તર ગુજરાતમાં સરેરાશ 75.1 ટકા મતદાન છે. દક્ષિણ ગુજરાતમાં 57 ટકા મતદાન થયું છે, તો સૌરાષ્ટ્રમાં સરેરાશ 70 ટકા જયારે કચ્છમાં 73.98 ટકા મતદાન જ્યારે મધ્ય ગુજરાતમાં 58 ટકા મતદાન થયું છે. સરપંચ પદ માટે 27 હજાર 200 ઉમેદવારો અને 53 હજાર 507 સભ્ય પદ માટે 1 લાખ 19 હજાર 998 ઉમેદવારોનું ભાવી મતપેટીમાં સીલ છે.જ્યારે 1167 ગ્રામ પંચાયતો સંપૂર્ણ રીતે બિનહરીફ જાહેર કરવામાં આવી છે.
અમદાવાદ જિલ્લામાં ખાસ વ્યવસ્થા
અમદાવાદ જિલ્લા ગ્રામ પંચાયત માટે સવારે 9 વાગ્યાથી 362 ગ્રામ પંચાયત માટે મત ગણતરી શરૂ થશે. જેમાં એક પછી એક વોર્ડની ચૂંટણીની મત ગણતરી હાથ ધરવામાં આવશે. જેમાં 78 ચૂંટણી અધિકારીઓ અને મદદનીશ 78 ચૂંટણી અધિકારીઓ મત ગણતરીમાં હાજર રહેશે.અમદાવાદ જિલ્લાના 9 તાલુકા મથકે ચૂંટણીની મત ગણતરી હાથ ધરવામાં આવશે.જિલ્લાના મતગણતરી માટે 68 જેટલા હૉલ રાખવામા આવ્યા છે જેમાં મતગણતરી હાથ ધરવામાં આવશે.મત ગણતરી 141 ટેબલ પર કરવામાં આવશે સાથે સાથે મતગણતરી માટે 534 સ્ટાફ ખડેપગે તૈનાત રાખવામાં આવ્યા છે. ઉપરાંત 833 પોલીસ સ્ટાફની નિગરાની હેઠળ યોજાશે.
ક્યાંથી જોવા મળશે LIVE અપડેટ્સ
ગ્રામ પંચાયતની ચૂંટણીનું LIVE અપડેટ્સ VTV ન્યૂઝ તથા sec-poll.gujarat.gov.in વેબસાઈટ પર મળી રહેશે.