PSI ભરતી પ્રક્રિયા વિવાદ પર હાઈકોર્ટમાં સુનાવણી દરમ્યાન રાજ્ય સરકારે જવાબ રજૂ કરવાની બાંહેધરી આપી. 12 અને 19 જૂને PSIની પરીક્ષા.
PSI ભરતી પ્રક્રિયા વિવાદ પર હાઈકોર્ટમાં સુનાવણી હાથ ધરાઇ
રાજ્ય સરકારે હાઇકોર્ટમાં જવાબ રજૂ કરવાની બાંહેધરી આપી
અરજદારે GPSC પેટર્ન પ્રમાણે ભરતી કરવાની અરજી કરી છે
PSI ભરતી પ્રક્રિયા વિવાદ પર હાઈકોર્ટમાં સુનાવણી હાથ ધરવામાં આવી છે. આ સુનાવણી દરમિયાન રાજ્ય સરકારે જવાબ રજૂ કરવા બાંહેધરી આપી છે. સાથે સુનાવણી દરમિયાન હાઈકોર્ટે રાજ્ય સરકારને પોતાનું વલણ સ્પષ્ટ કરવા તાકીદ કરી છે. ઉલ્લેખનીય છે કે, અરજદારે 12 જૂન અને 19 જૂનના રોજ લેવાનારી PSIની પરીક્ષામાં GPSC પેટર્ન પ્રમાણે ભરતી કરવાની અરજી કરી છે. 12 જૂનની પરીક્ષાના એડમિટ કાર્ડ 5 જૂનથી ડાઉનલોડ કરી શકાશે.
જાણો શું છે સમગ્ર મામલો?
PSI ભરતી પ્રક્રિયા વિવાદ પર હાઈકોર્ટમાં સુનાવણી હાથ ધરવામાં આવી
રાજ્ય સરકારે જવાબ રજૂ કરવા બાંહેધરી આપી
હાઈકોર્ટે રાજ્ય સરકારને પોતાનું વલણ સ્પષ્ટ કરવા તાકીદ કરી
અરજદારે PSIની પરીક્ષામાં GPSC પેટર્ન પ્રમાણે ભરતી કરવાની અરજી કરી છે
12 જૂન અને 19 જૂનના રોજ યોજાશે પરીક્ષા
12 જૂનની પરીક્ષાના એડમિટ કાર્ડ 5 જૂનથી ડાઉનલોડ કરી શકાશે
ઉલ્લેખનીય છે કે, PSI ભરતી રિઝલ્ટ જાહેર થયા બાદ PSI ની ભરતીમાં GPSC પેટર્ન પ્રમાણે ભરતી કરવાની માંગ સાથે ઉમેદવારોએ ગુજરાત હાઇકોર્ટમાં અરજી દાખલ કરી હતી. ત્યારે આ મામલે PSIની સીધી ભરતી પ્રક્રિયાના વિવાદ મામલે હાઇકોર્ટે અરજદારોને આશ્વાસન આપ્યું હતું. હાઇકોર્ટે અરજદારોને સૂચન કરતા જણાવ્યું હતું કે, 'પરીક્ષાની તૈયારી ચાલુ કરી દો. કોર્ટ સમક્ષ તમારી ફરિયાદ સાથે આવ્યા છો તો ન્યાય થશે. 1 જૂન સુધીમાં ફરિયાદ મુદ્દે સરકાર વલણ સ્પષ્ટ કરે. એડવોકેટ જનરલ હાજર ન હોય તો કોર્ટ સમક્ષ જવાબ રજૂ કરે.'
PSI ભરતીમાં GPSC પેટર્ન પ્રમાણે ભરતી કરવા ઉમેદવારોની માંગ
મહત્વનું છે કે, PSI ભરતી રિઝલ્ટ જાહેર થતાં બાદ PSI ભરતી વિવાદે ચડી છે. ત્યારે PSI ભરતીમાં કેટેગરી અનુસાર ભરતીની માંગ સાથે ગુજરાત હાઇકોર્ટમાં અરજી દાખલ કરવામાં આવી હતી. જેમાં 100થી વધુ જેટલાં ઉમેદવારોએ સાથે મળીને પરિણામને કોર્ટમાં પડકાર્યું હતું. GPSC પેટર્ન પ્રમાણે ભરતી કરવા ઉમેદવારોની માંગ છે. તેઓનું કહેવું છે કે ST-SC,OBC,બિનઅનામત વર્ગ ઉમેદવારોની કેટેગરી અનુસાર ભરતીમાં પાસ કરવામાં આવ્યા નથી જેથી આ પદ્ધતિના લીધે 8 હજાર ઉમેદવારને અન્યાય થયો છે. હાલના રિઝલ્ટ પ્રમાણે માત્ર 4300 ઉમેદવારોને પાસ કરવામાં આવ્યા છે. ત્યારે આ મામલે ગુજરાત હાઇકોર્ટે અરજદારોને આશ્વાસન આપ્યું હતું.