સોમવારથી રાજ્યમાં જાહેર સ્થળોએ તેમજ મનપામાં ફરજિયાત CCTV કેમેરા રાખવા ગુજરાત સરકારનો આદેશ.
CCTV કેમેરાને લઇને રાજ્ય સરકારનો મહત્વપૂર્ણ નિર્ણય
સોમવારથી 8 મનપામાં CCTV કેમેરા ફરજિયાત રાખવા આદેશ
1 હજારથી વધુ લોકોની અવરજવર હશે ત્યાં CCTV ફરજિયાત જોઇશે
CCTV કેમેરાને લઇને ગુજરાત સરકારે મહત્વપૂર્ણ નિર્ણય કર્યો છે. સોમવારથી 8 મનપામાં CCTV કેમેરા ફરજિયાત રાખવા રાજ્ય સરકારે આદેશ આપ્યો છે. 1 હજારથી વધુ લોકોની અવરજવર હશે ત્યાં CCTV કેમેરા ફરજિયાત રાખવાનો સરકારે આદેશ કર્યો છે. સરકારના આદેશ મુજબ હવેથી જાહેર સ્થળોએ CCTV કેમેરા ફરજિયાત રાખવાના રહેશે. CCTV કેમેરા અને 30 દિવસનો ડેટા ફરજિયાત રાખવા ગુજરાત સરકારે આદેશ કર્યો છે.
અગાઉ પોલીસ સ્ટેશનોમાં 6 મહિનાના CCTV ફૂટેજ સાચવી રાખવા કોર્ટે આદેશ કર્યો હતો
ઉલ્લેખનીય છે કે, અગાઉ હેબિયસ કોર્પસની અરજી પર ગુજરાત હાઇકોર્ટે પોલીસ સ્ટેશનોમાં 6 મહિનાના CCTV ફૂટેજ સાચવી રાખવા આદેશ કર્યો હતો. પાલીતાણામાં એક યુવક- યુવતી લગ્ન કરે તે પહેલાં જ પોલીસ દ્વારા યુવકને કસ્ટડીમાં લઇ લેતા હાઇકોર્ટમાં હેબિયસ કોર્પસ કરાઇ હતી. પોલીસે યુવકને પોલીસ સ્ટેશનમાં ખૂબ માર માર્યો હોવાની પરિવાર દ્વારા રજૂઆત કરાઇ હતી. આ અંગે ફરિયાદ કરતા ગુજરાત હાઇકોર્ટે પોલીસ સ્ટેશનને CCTV ફૂટેજ રજૂ કરવા આદેશ કર્યો હતો.
ગુજરાત હાઇકોર્ટે કરી હતી ટકોર
કોર્ટે હેબિયસ કોર્પસની અરજી પર પોલીસ સ્ટેશનોમાં CCTV ફુટેજ સાચવી રાખવા આદેશ કર્યો છે. 6 મહિના ઓડિયો-વીડિયો સાચવી રાખવા ગુજરાત હાઇકોર્ટે આદેશ કર્યો છે. હાઇકોર્ટે કહ્યું કે, સુપ્રીમ કોર્ટની માર્ગદર્શિકા મુજબ પોલીસ સ્ટેશનમાં CCTV ફુટેજ રાખો. તમને જણાવી દઇએ કે, અગાઉ પણ HCએ પોલીસ સ્ટેશનના CCTV ચાલુ રાખવા આદેશ કર્યો હતો.
જો કે, આ મામલે પોલીસે દલીલ કરી હતી કે, 30 દિવસના CCTV ફૂટેજ સાચવી રાખવામાં આવે છે. ત્યારે કોર્ટે એવી ટકોર કરી હતી કે, 6 મહિના સુધીના CCTV ફૂટેજ સાચવી રાખવા જોઇએ. હાઇકોર્ટે જીલ્લા પોલીસ વડાને પોલીસ સ્ટેશનમાં માર મારનાર અધિકારીને ઓળખીને રિપોર્ટ રજૂ કરવાનો પણ આદેશ કર્યો છે.