પરેશાની / લર્નિંગ લાયસન્સ માટે સરકારે નવી સર્વિસ તો શરૂ કરી, પરંતુ ધાંધિયા તો ચાલુ જ

• RTOમાં હાલમાં લર્નિંગ લાઇસન્સની તમામ કામગીરી બંધ
• અરજદારોને RTO નો ધરમધક્કો
• એપોઈન્ટમેન્ટ લેવા છતાં લર્નિંગ લાઈસન્સ માટે ઓપ્શન નથી ખુલતો

લર્નિંગ લાઇસન્સની કામગીરી હાલમાં આરટીઓમાં સદંતર બંધ કરી દેવામાં આવી છે. પરંતુ સર્વરની સમસ્યા યથાવત જ છે. એપોઇન્ટમેન્ટ લઈને લર્નિંગ લાઇસન્સ માટે આવેલા કેટલાક લોકોનાં પેમેન્ટ તેમનાં ખાતાંમાંથી કપાયા બાદ કચેરીમાં જમા ન થતાં હોવાની ફરિયાદો વધી રહી છે. જેના કારણે એપોઇન્ટમેન્ટ લીધી હોવા છતાં આઈટીઆઈ કચેરી કે પોલિટેક્નિકમાં કમ્પ્યૂટર ટેસ્ટ માટેનો ઓપશન ખૂલતો નથી. 

અરજદારોને RTO નો ધરમધક્કો

આઇટીઆઇ ( IIT )માં તાજેતરમાં જ આ કામગીરી શરૂ થઈ હોવાથી નાની મોટી સમસ્યાઓ માટે અરજદારોને આરટીઓ ( RTO )જવાનું કહેવામાં આવે છે ત્યાં પણ સર્વર ડાઉન હોવાની સમસ્યા એની એ જ રહે છે. એટલું જ નહીં આરટીઓએ આ કામગીરી બંધ કરી દીધી હોવાના કારણે અરજદારને ધરમધક્કો રહે છે.

હાલમાં લર્નિંગ લાઇસન્સ ની તમામ કામગીરી બંધ

કેટલાક કિસ્સાઓમાં આરટીઓમાંથી લર્નિંગ લાઈસન્સ ડીસ્પેચ મોડા કરતા હોવાની ફરિયાદો વધી રહી છે. આ અંગે એઆરટીઓ એસએ મોજણીદારે  જણાવ્યું હતું કે આરટીઓમાં જેટલી જૂની એપોઇન્ટમેન્ટ પેન્ડિંગ છે તેટલાં લર્નિંગ લાઇસન્સની કામગીરી કરવામાં આવશે. જે અંદાજે ડિસેમ્બર માસમાં પૂરી થઈ જશે. હાલમાં લર્નિંગ લાઇસન્સની તમામ કામગીરી બંધ છે.