ગુજરાતના નાગરિકો માટે એક વાર ફરી રાજ્ય સરકારે મોટી રાહત આપી છે. ગુજરાત સરકારના વાહનવ્યવહાર વિભાગ દ્વારા ડ્રાઇવિંગ લાયસન્સ, RC બુકની મુદ્દતમાં વધારો કરવામાં આવ્યો છે. હવે 31 માર્ચ 2021 સુધીમાં લાયસન્સ, RC બુક રિન્યુ કરાવી શકાશે. વાહનવ્યવહાર વિભાગે બહાર પરિપત્ર પાડ્યો છે. કોરોનાના કારણે હજુ ઘણી બધી ઓફિસો બંધ હોય છે સાથે કેટલાક લોકો બહાર જવાનું પણ ટાળી રહ્યા છે. તેથી હવે આ તમામ દસ્તાવેજો 31 માર્ચ સુધી એંફોર્સમેન્ટ માટે માન્ય ગણાશે.
31 માર્ચ 2021 સુધીમાં લાયસન્સ, RC બુક રિન્યુ થઈ શકશે
વાહનવ્યવહાર વિભાગે બહાર પાડ્યો પરિપત્ર
ગુજરાતના વાહનચાલકો માટે સારા સમાચાર આવ્યા છે. ડ્રાઈવિંગ લાયસન્સ, RC બુક સહિતના દસ્તાવેજોની વેલિડીટી વધારાઈ છે. મુદ્દત પૂર્ણ થયેલા દસ્તાવેજોને પણ 31 માર્ચ સુધી માન્ય રાખવામાં આવશે. આ અંગે રાજ્યના વાહનવ્યવહાર કમિશનરની કચેરીએ નવો આદેશ રજૂ કર્યો છે.
મહત્વનું છે કે, કોરોના મહામારીને કારણે આ વખતે વાહનમાલિકો માટે ડ્રાઇવિંગ લાઇસન્સ, RC બુક, ફિટનેસ સર્ટિફિકેટ અને પરમિટ સહિતના દસ્તાવેજોની મુદ્દત 31 માર્ચ 2021 સુધી લંબાવવાનો નિર્ણય કરવામાં આવ્યો છે.
ગત વર્ષે વાહનને લગતા તમામ દસ્તાવેજોની મુદ્દત 30 સપ્ટેમ્બર સુધી વાહન વ્યવહાર વિભાગ દ્વારા લંબાવવામાં આવી હતી. ત્યારબાદ તેમાં વધુ ત્રણ મહિનાનાનો વધારો કરાયો હતો. જેથી નવા વર્ષની સાથે તમામ દસ્તાવેજોની મુદ્દત 31 ડિસેમ્બર 2020એ પૂર્ણ થઇ ગઇ હતી. પરંતુ હજુ કોરોના સંક્રમણ હોવાથી રાજ્ય સરકારના નવો આદેશ કર્યો છે. જેમાં જેમની મુદ્દત પૂર્ણ થઈ ગઈ હશે તેમની પણ 31 માર્ચ, 2021 સુધીની વેલિડિટી માન્ય ગણાશે. બીજી બાજુ લર્નિંગ લાયસન્સની મુદ્દતમાં કોઇ જ વધારો નહીં કરવાનું જણાવ્યું છે. 6 મહિનાની વેલિડીટી પૂર્ણ થયા બાદ ફરીથી ફી ભરવાની રહેશે.