ઓનલાઈન ડેવલપમેન્ટ પરમિશન સિસ્ટમ (ODPS)થી બિલ્ડર્સ,એન્જિનિયર્સ સાઇટની નોંધણી કરાવી શકે છે, રિયલ એસ્ટેટના વિકાસ મળશે વેગ
ODPSથી નવી ઉંચાઇએ વિકાસ
ઓનલાઇન નોંધણી માટેનું વેબ પોર્ટલ
24 કલાકની અંદર મળે છે મંજૂરી
ગુજરાત સરકારે ઓનલાઈન ડેવલપમેન્ટ પરમિશન સિસ્ટમ એટલે કે, ODPS શરૂ કરી છે. આ યોજનાએ ઓનલાઈન નોંધણી માટેનું વેબ પોર્ટલ છે. જેના દ્વારા બિલ્ડરો, એન્જિનિયરો પોતાની સાઈટની ઓનલાઈન નોંધણી કરાવી શકે છે. આ પ્રકારની યોજના લાગૂ કરનાર ગુજરાત પ્રથમ રાજ્ય બન્યું છે.
ODPSથી એન્જિનિયરો અને બિલ્ડરો મળ્યો મોટો ફાયદો
ગુજરાત સરકારે ઓનલાઈન ડેવલપમેન્ટ પરમિશન સિસ્ટમ એટલે કે, ODPS શરૂ કરી છે. આ યોજનાએ ઓનલાઈન નોંધણી માટેનું વેબ પોર્ટલ છે. જેના દ્વારા બિલ્ડરો, એન્જિનિયરો પોતાની સાઈટની ઓનલાઈન નોંધણી કરાવી શકે છે. આ યોજના રાજ્યમાં રિયલ એસ્ટેટના વિકાસને વેગ આપી રહી છે. યોજનાના કારણે સૌથી વધુ ફાયદો એન્જિનિયરો અને બિલ્ડરોને મળે છે. ભાવનગરમાં પણ એન્જિનિયરોએ આ યોજનાને આવકારી છે અને કહ્યું કે, આ યોજનાના પાલનથી નોંધણી માટે સરકારી ઓફિસના ધક્કા ખાવાના બંધ થયા છે. આ ઉપરાંત આ સિસ્ટમથી જે સમય વધારે બગડતો હતો તે સમય હવે ઓછો વ્યય થાય છે અને સમયસર નોંધણી થઈ રહી છે.
યોજનાના ઉદ્દેશ્ય શું?
આ યોજનાનો મુખ્ય હેતુ હાઉસીંગ પ્રોજેક્ટને સરળ બનાવવાનો છે. સરકાર એવા તમામ લોકોને સપનાનું ઘર આપવાનું આયોજન કરી રહી છે. જેઓ પોતાના વિશેષાધિકારથી વંચિત છે. એકવાર પોર્ટલ પર નોંધણી કરાવ્યા પછી બિલ્ડરો અને એન્જીનીયરોને 24 કલાકની અંદર મંજૂરી મળી જાય છે જેથી તેઓ તરત જ કામ કરવાનું શરૂ કરી શકે છે. ગુજરાત સરકારે આ યોજનાની શરૂઆત સાથે પારદર્શિતા, નિર્ણાયકતા, સંવેદનશીલતા અને પ્રગતિશીલતાના ચાર આધારસ્તંભ નક્કી કર્યા છે. જેનાથી શહેરોનો વિકાસ ઝડપી બનશે. આ યોજનાનો લાભ લેનારા સરકારનો આ યોજના બદલ ખુબ જ આભાર માની રહ્યા છે.
લો રાઇઝડ બિલ્ડીંગ માટે ઓફ લાઇન પરવાનગીઓ સંપૂર્ણ બંધ
OPDSને સરકારે 15 સેક્શનમાં વહેચેલું છે. રાજ્યમાં ઓન લાઇન ડેવલપમેન્ટ પરમિશન સિસ્ટમ બાંધકામ પરવાનગીનો પ્રારંભ 2020માં થયો હતો. સરકાર પારદર્શિતા અને સંવેદનશીલતાથી ગુડ ગવર્નન્સની દિશામાં કાર્યરત છે. સમગ્ર દેશમાં આવી ઓનલાઇન પદ્ધતિએ ફેઇસ લેશ વ્યવસ્થા વિકસાવી ડેવલપમેન્ટ પ્લાન પાસ કરનારૂં ગુજરાત દેશભરમાં પ્રથમ રાજ્ય બન્યું છે. આ નવી ODPS-2.0(ઓ) કાર્યરત થતાં લો રાઇઝડ બિલ્ડીંગ માટે ઓફ લાઇન પરવાનગીઓ સંપૂર્ણ બંધ થઈ છે. આ ODPS પ્રક્રિયાને ભવિષ્યમાં રાજ્યમાં હાઇરાઇઝડ બિલ્ડીંગ માટે પણ અમલી બનાવવાની નેમ સરકારે લીધી હતી. અને તે દિશામાં કામગીરી કરીને યોજનાને સફળ પણ બનાવી છે. આ યોજનાને લાવવા માટે સરકાર અને મુખ્યમંત્રીશ્રી ભૂપેન્દ્રભાઈ પટેલનો આભાર વ્યકત કરી રહ્યા છે.
લાભાર્થીઓ સરકાર આભાર વ્યક્ત કર્યો
આમ આ યોજનાથી અનેક લોકોને ફાયદો થઈ રહ્યો છે. અને આ યોજના સફળતા પૂર્ણ ચાલતી હોવાથી સરકારી ઓફિસના ધક્કા પણ નોંધણી માટે ખાવા પડતા નથી. ત્યારે આ યોજનાના લાભાર્થીઓ સરકારનો ભારોભાર આભાર માની રહ્યા છે.