BIG NEWS / પેટ્રોલ-ડીઝલ પર ગુજરાત સરકાર નહીં ઘટાડે સેસ, પણ આ વસ્તુમાં આપી શકે છે રાહત

• હવે ગુજરાતમાં નહીં ઘટે પેટ્રોલ-ડીઝલના ભાવ
• 12 રાજ્યોની સરખામણીએ ગુજરાતમાં ઈંઘણ સસ્તું
• રાજ્યમાં અત્યારે ઈંધણ પર 4 ટકા સેસ અમલી

કેન્દ્ર સરકાર દ્વારા એક્સાઈઝ ડ્યુટીમાં ઘટાડો કરી પેટ્રોલ-ડીઝલના ભાવ ઘટાડાવામાં આવ્યા છે, ત્યારે તમામની નજર રાજ્ય સરકાર તરફ મંડાઈ છે. તમામ અપેક્ષા રાખી રહ્યાં છે કે, ગુજરાત સરકાર પણ સેસમાં ઘટાડો કરી અને પેટ્રોલ-ડીઝલના ભાવમાં ઘટાડો કરી શકે છે. પરંતુ રાજ્યમાં હવે પેટ્રોલ-ડીઝલની કિંમતમાં ઘટાડો થશે નહીં. દેશના 12 રાજ્યોની સરખામણી ગુજરાતમાં પેટ્રોલ-ડીઝલ સસ્તું મળી રહ્યું છે. જેથી સરકાર પેટ્રોલ-ડીઝલને બદલે ઈન્ડસ્ટ્રીયલ CNGના ભાવ ઘટાડવા માટે વિચારણાં કરી શકે છે. ઉલ્લેખનીય છે કે, અત્યારે ગુજરાતમાં પેટ્રોલ-ડીઝલ પર 4 સેસ અમલી છે.

ઉલ્લેખનીય છે કે, કેન્દ્રની મોદી સરકારે જનતાને મોટી રાહત આપી છે. મોદી સરકારે ઈંધણના વધી રહેલા ભાવ ઘટાડવા માટે સેન્ટ્રલ એક્સાઈઝ ડ્યૂટીમાં ઘટાડો કર્યો છે. નાણાંમંત્રી નિર્મલા સિતારમણે પેટ્રોલના લિટર દીઠ રૂપિયા 9.50 અને ડીઝલમાં રૂપિયા 6નો તોતિંગ ઘટાડો કર્યો છે. જેથી પેટ્રોલ 9.5 અને ડીઝલ 7 રૂપિયા સસ્તુ થયું છે. આજથી નવો ભાવ અમલી કરવામાં આવ્યો છે.

સરકારે સેન્ટ્રલ એક્સાઈઝ ડ્યૂટીમાં કર્યો ઘટાડો

આમ કેન્દ્ર સરકાર દ્વારા લેવાયેલા નિર્ણયને લઈને અમદાવાદમાં પેટ્રોલનો ભાવ ઘટીને 95.57 રૂપિયા થયો છે, જ્યારે ડીઝલનો ભાવ ઘટીને રૂપિયા 93.13 રૂપિયા થયો છે. અમદાવાદની સાથે સમગ્ર ગુજરાતની પેટ્રોલ-ડીઝલની કિંમતમાં ઘટાડો થયો છે. આ અગઉ કેન્દ્ર સરકારે 3 નવેમ્બર 2021ના રોજ પણ પેટ્રોલ પર લિટર દીઠ રૂપિયા 10 અને ડીઝલ પર રૂપિયા 5 એક્સાઈઝ ડ્યૂટીમાં ઘટાડો જાહેર કર્યો હતો.

પેટ્રોલ ડીઝલના વધતા જતા ભાવ સામે લોકો CNG કાર પર પસંદગી કરી રહ્યાં છે પરંતુ સીએનજીના ભાવ પણ વધતા જ જાય છે. ત્યારે વાહન કંપનીઓના સંગઠન સિયામે સીએનજીની કિંમતોમાં કટોતી કરવા અને સ્ટીલ અને પ્લાસ્ટીકના ઉત્પાદન માટેના કાચા માલની આયાત પર ડ્યૂટી ઘટા઼ડવા અનુરોધ કર્યો છે. ત્યારે જો સરકાર આ અંગે વિચારણા કરે તો આગામી સમયમાં સીએનજીના ભાવ ઘટી શકે છે. હાલમાં કેન્દ્ર સરકારે પેટ્રોલના લિટર દીઠ રૂપિયા 9.50 અને ડીઝલમાં રૂપિયા 6નો તોતિંગ ઘટાડો કર્યો છે.

ઇમ્પોર્ટ ડ્યૂટી ઘટાડવા કર્યો અનુરોધ

SIAMએ રવિવારે પીએમ મોદી અને નિર્મલા સીતારમણને ટેગ કરતા ટ્વિટ કર્યુ હતું કે પેટ્રોલ અને ડીઝલ પર એક્સાઈઝ ડ્યુટી ઘટાડવાના નિર્ણયને ઓટો ઈન્ડસ્ટ્રી આવકારે છે. પરંતુ સીએનજીના ભાવમાં છેલ્લા સાત મહિનાથી વધારો થઇ રહ્યો છે. તેથી જો સીએનજીના ભાવમાં ઘટાડો કરવાથી સામાન્ય માણસને મદદ મળશે, સાર્વજનિક વાહનવ્યવહારની સુવિધા મળશે અને સ્વચ્છ વાતાવરણને સક્ષમ બનાવશે. તેમણે કહ્યું કે આ નિર્ણયથી મોંઘવારીનું દબાણ ઓછું થશે અને સામાન્ય માણસને રાહત મળશે. નિષ્ણાતોનું કહેવું છે કે સરકાર આ માંગ પર વિચાર કરીને આવનારા દિવસોમાં કિંમતમાં ઘટાડો કરી શકે છે.

Auto industry also keenly looks forward to similar support on the CNG prices which have seen exponential increase in the last 7 months. Support for CNG prices would help the common man, facilitate public transport and will enable a cleaner environment. (3/3)

— SIAM India (@siamindia) May 22, 2022

એક વર્ષમાં સીએનજીમાં રુ.32 વધ્યા

મહત્વનું છે કે એક વર્ષમાં સીએનજીના ભાવમાં 32 રુપિયાનો વધારો થયો છે. રાષ્ટ્રીય રાજધાની દિલ્હીમાં સીએનજીના ભાવ એક વર્ષમાં લગભગ બેઘણા થયા છે. મે 2021માં દિલ્હીમાં CNGની કિંમત 43.40 પ્રતિ કિલો હતી. જ્યારે મે 2002 માં વધીને 75.61 પ્રતિ કિલોગ્રામ થઈ હતી.   આમ દિલ્હીમાં છેલ્લા એક વર્ષમાં સીએનજી પર 32.21 રૂપિયાનો વધારો નોંધાયો. સીએનજીના ભાવ વધવા પાછળનું કારણ માંગ અને પુરવઠાની કટોકટી છે. આ સમયે સમગ્ર વિશ્વમાં ગેસનો પુરવઠો ખોરવાઈ ગયો છે. ગેસની માંગ વધુ છે અને પુરવઠો ઓછો છે. આનાથી તેલના નિયમનવાળા ક્ષેત્રોમાંથી કુદરતી ગેસના ઉત્પાદનની કિંમત બમણી થઈ ગઈ.