હેલ્મેટ મામલે રાજ્ય સરકારે ફરી એકવાર યૂટર્ન માર્યો છે. રાજ્યમાં હેલ્મેટ પર લાંબા સમયથી ચાલી રહેલી ગૂંચવણનો આખરે અંત આવ્યો છે. અને રાજ્ય સરકારે જ ખુદ હેલ્મેટ ફરજિયાત હોવાનું સ્વીકાર્યું છે. ગુજરાત સરકાર હેલ્મેટ મામલે અભી બોલા અભી ફોક જેવું કરી રહી છે.
સરકારે હેલ્મેટને મરજીયાત કર્યું નથી - ટ્રાન્સપોર્ટ કમિ.
ગુજરાત હાઇકોર્ટમાં રાજ્ય સરકારનો યુ ટર્ન
હવેથી વાહન ચાલકોને હેલ્મેટ ફરજીયાત પહેરવું પડશે
ગુજરાત હાઈકોર્ટમાં રાજ્ય સરકારે જવાબ રજૂ કર્યો છે. જેમાં કહેવાયું છે કે સરકારે હેલ્મેટને મરજીયાત કર્યું જ નથી. હાઈકોર્ટમાં રાજ્ય સરકાર ફરી ગઈ હતી. અને પોતાના જવાબમાં કહેવાયું છે કે સરકારે હેલ્મેટ મરજિયાત કર્યું જ નથી.
ટુવ્હીલરમાં પાછળ બેસનારે પણ પહેરવું પડસે હેલ્મેટ
એટલે કે હવેથી વાહન ચાલકોએ હેલ્મેટ ફરજિયાત પહેરવું પડશે. અને પાછળ બેસનારે પણ હેલ્મેટ પહેરવું ફરજિયાત છે. તમને જણાવી દઈએ કે હેલ્મેટ મામલે અલગ અલગ ફરિયાદો મળ્યા બાદ અને લોકોના વિરોધ બાદ સરકારે હેલ્મેટને મરજિયાત કર્યું હતું. ખુદ મંત્રી આર.સી. ફળદુએ હેલ્મેટ મરજિયાત હોવાની જાહેરાત કરી હતી. અને નગરપાલિકા તેમજ મહાનગરપાલિકાના માર્ગો પર હેલ્મેટ વિના કોઈ પકડાય તો દંડ ન વસૂલવા માટે આદેશ આપ્યો હતો. જોકે નેશનલ અને રાજ્યના હાઈ-વે પર હેલ્મેટ ફરજિયાત રાખ્યું હતું.
શું છે વિવાદ
સેન્ટ્રલ મોટર વિહીકલ એક્ટ 2019ને લાગુ કરાયો. દેશભરમાં તમામ રાજ્યમાં હેલ્મેટ લાગુ કરાયું. ગુજરાતમાં નિયમો લાગુ તો થયા પણ હેલ્મેટનો મુદ્દો ગૂંચવાયો. તમામ બાઇક ચાલકને હેલ્મેટ પહેરવુ ફરજિયાત કરાયુ. ગુજરાત સરકારે બાઇકચાલક માટે હેલ્મેટ ફરજિયાત કર્યુ.
હેલ્મેટ ન પહેર્યુ હોય તો દંડમાં થોડી છૂટ આપી
લોકો-સંસ્થાઓ અને વિપક્ષે હેલ્મેટનો વિરોધ કર્યો. વિરોધ રાજ્ય સરકાર માટે માથાનો દુખાવો બન્યો. રાજ્ય સરકારે આખરે હેલ્મેટ મરજિયાત કર્યુ
મંત્રી આર.સી ફળદુએ હેલ્મેટ મરજિયાતની જાહેરાત કરી
નપા અને મનપાની હદમાં હેલ્મેટ મરજિયાત કરાયું હતું. આ મામલે સુપ્રીમ કોર્ટે પણ ગુજરાત સરકારને નોટિસ આપી. સુપ્રીમ કોર્ટે રાજ્ય સરકાર પાસેથી જવાબ માગ્યો. રાજ્ય સરકારના નિર્ણય સામે ગુજરાત હાઈકોર્ટમાં પણ અરજી થઈ.
અરજીના જવાબમાં રાજ્ય સરકારે સોગંદનામું રજૂ કર્યું
સોગંદનામામાં સરકારે કહ્યું, "રાજ્યમાં હેલ્મેટ ફરજિયાત" છે. રાજ્યમાં હેલ્મેટ ક્યારેય મરજિયાત કરાયું નથી. બાઈક ચાલક અને પાછળ બેસનારે પણ હેલ્મેટ ફરજિયાત છે.