ગુજરાતમાં બાકી ભરતીઓને લઇને સૌથી મહત્વના સમાચાર સામે આવ્યા છે. રાજ્યમાં છેલ્લા ઘણા સમયથી ચાલી રહેલ બાકી રહેલી ભરતીઓને લઇને વારંવાર વિપક્ષ તેમજ આંદોલનકારીઓ દ્વારા સરકારને ઘેરવાનો પ્રયત્ન કરવામાં આવ્યો છે. રાજ્યમાં બાકી રહેલ ભરતી મુદ્દે વારંવાર આંદોલન કરવામાં આવ્યું હતું. ત્યારે હવે રાજ્ય સરકાર દ્વારા બાકી રહેલી ભરતીઓને સૌથી સુખદ સમાચાર આવ્યા છે. જેમાં રાજ્ય સરકાર આવતી કાલે આંદોલનકારીઓ સાથે બેઠક કરશે.
ગુજરાતમાં બાકી ભરતીઓને લઈને સૌથી મહત્વના સમાચાર
મુખ્ય આંદોલનકારીઓ સાથે સરકાર કરશે બેઠક
આવતીકાલે સરકાર આંદોલનકારીઓ સાથે બેઠક કરશે
રાજ્ય સરકાર બાકી રહેલી ભરતીઓ અંગે આવતી કાલે મુખ્ય આંદોલનકારીઓ સાથે બેઠક કરશે. VTVમાં બાકી ભરતીઓને લઈને `મહામંથન' કાર્યક્રમમાં માંગ કરાઈ હતી. જેને લઇને આવતીકાલે સરકાર આંદોલનકારીઓ સાથે બેઠક કરશે. સરકાર દ્વારા બાકી ભરતી અને નિમણૂંકો અંગે ચર્ચા થશે.
ભરતી મુદ્દે આંદોલનકારીઓ સાથે સરકારની બેઠકને લઇને દિનેશ બાંભણિયાનું નિવેદન આવ્યું છે. અમારા દ્વારા રદ્દ થયેલી પરીક્ષા, અટકાયેલી પરીક્ષા મુદ્દે રજૂઆત કરવામાં આવી હતી. રાજ્ય સરકારે વિધિવત બેઠક કરવાનું આમંત્રણ આપ્યું છે. આ બેઠક રાજ્ય ગૃહમંત્રી અને શિક્ષણમંત્રી સાથે થશે.
આ બેઠકમાં સંકલન સમિતિના આગેવાન હાજર રહેશે. અમારા દ્વારા સંકલન સમિતિના નામ અને યાદી મોકલવામાં આવશે. જો કે હજુ સુધી એ સ્પષ્ટ નથી કે સરકાર સાથે આવતીકાલે બેઠક થશે કે નહીં.