ગુજરાત સરકારે છેલ્લા બે વર્ષ દરમિયાન પોતાની યોજનાઓના પ્રચાર-પ્રસાર માટે અધધ ખર્ચ કર્યા છે. રાજ્ય સરકારે આ આંકડો જાહેર કર્યો છે. જેમાં ટીવી ચેનલ, સમાચાર પત્રો અને રેડિયો પર સરકારે પ્રચાર કર્યો છે. આ ખર્ચની રકમ ચોંકાવનારી છે.
ગુજરાત સરકારે પ્રચાર-પ્રસાર માટે કર્યો અધધ ખર્ચ
બે વર્ષમાં રૂ.402.46 કરોડ પ્રચાર પ્રસાર માટે ખર્ચાયા
ટીવી ચેનલ પર પ્રચાર માટે રૂ.100.66 કરોડનો ખર્ચ
સરકારો અનેક યોજનાઓ અને સેવાઓ માટે ખર્ચ કરતી હોય છે. ત્યારે ગુજરાત સરકારે પ્રચાર-પ્રસાર માટે 402 કરોડ 46 લાખ રૂપિયાનો ખર્ચ કર્યો હોવાનું સામે આવ્યું છે. રૂપાણી સરકારે છેલ્લા બે વર્ષ દરમિયાન પોતાની યોજનાઓના પ્રચાર-પ્રસાર માટેની જાહેરાતો પર ખર્ચ કર્યો છે.
જેમાં ટીવી ચેનલ પર પ્રચાર માટે રૂપિયા 100 કરોડ 66 લાખ અને સમાચાર પત્રોમાં પ્રચાર માટે રૂપિયા 116 કરોડ 7 લાખનો ખર્ચ કરવામાં આવ્યો છે. જ્યારે રેડિયો પર પ્રચાર માટે રૂપિયા 26 કરોડ અને 87 લાખનો ખર્ચ કર્યો છે.