મહત્વની જાહેરાત / ચાર્જ સંભાળતા જ ગુજરાત સરકારના મંત્રીઓ એક્શનમાં, મા કાર્ડની સહાય વધારવાને લઈ આરોગ્યમંત્રીનું મોટું નિવેદન

• કેબિનેટમંત્રી ઋષિકેશ પટેલે સંભાળ્યો ચાર્જ
• અત્યાર સુધી મા કાર્ડમાં મળતી હતી 5 લાખની સહાય- ઋષિકેશ પટેલ
• મા કાર્ડમાં 10 લાખની સહાય જાહેર કરવાનું કરીશ કામ- ઋષિકેશ પટેલ

ગુજરાતના મુખ્યમંત્રી તરીકે ભૂપેન્દ્ર પટેલે બીજી વખત શપથ લીધા છે. ત્યારે ગત રોજ ખાતાની ફાળવણી પણ કરવામાં આવી છે. કેબિનેટ મંત્રી તરીકે શપથ લીધા બાદ તેઓને ખાતાની ફાળવણી કરવામાં આવી છે. આરોગ્ય મંત્રી તરીકે  ઋષિકેશભાઈ પટેલે આજે વિધિવત ચાર્જ સંભાળ્યો છે. ચાર્જ સંભાળતાની સાથે જ આરોગ્ય મંત્રી દ્વારા મહત્વની જાહેરાત કરવામાં આવી છે.

મેડિકલનું શિક્ષણ ગુજરાતી ભાષામાં કરવાનો કરીશ પ્રયાસ- ઋષિકેશ પટેલ
કેબિનેટ મંત્રી તરીકે શપથ લીધા બાદ ગત રોજ મંત્રીઓને ખાતાની ફાળવણી પણ કરી દેવામાં આવી છે. આજે  મંત્રીએ વિધિવત ચાર્જ સંભાળ્યો છે. ત્યારે આરોગ્ય મંત્રી ઋષિકેશ પટેલ દ્વારા આજે આરોગ્ય મંત્રી તરીકેનો ચાર્જ સંભાળતા વીટીવી સાથે વાત કરી હતી અને મા કાર્ડમાં મળતી 5 લાખની સહાયને વધારીને મા કાર્ડમાં 10 લાખ સુધીની સહાય જાહેર કરવાનું કામ કરવામાં આવશે. તેમજ મેડિકલ ક્ષેત્રે શિક્ષણ ગુજરાતી ભાષામાં કરવાનો પ્રયત્ન કરવાનો પ્રસાય કરીશ તેમ જણાવ્યું હતું.