ભ્રષ્ટાચારની ગંધ / ગુજરાતની ભાજપ સરકારના આ દિગ્ગજ મંત્રી પર કરોડોની ગ્રાન્ટ સગેવગે કરવાનો આરોપ

• સામાજિક અને ન્યાય વિભાગના મંત્રી ઈશ્વર પરમાર સામે આક્ષેપ 
• બનાસકાંઠામાં સુઇગામના સરપંચોએ ગ્રાન્ટને લઈ કર્યા આક્ષેપો
• ઇશ્વર પરમારે ગ્રાન્ટ પંચાયતના બદલે એજન્સીઓને ફાળવી હોવાનો આક્ષેપ 

રાજ્યના સામાજિક અને ન્યાય વિભાગના મંત્રી ઈશ્વર પરમાર સામે ગ્રાન્ટને લઇ આક્ષેપ કરાયા છે. જેમાં બનાસકાંઠામાં સુઇગામના સરપંચોએ ગ્રાન્ટ ફાળવવાને લઇ આરોપ લગાવ્યાં છે. સુઇગામ તાલુકાની બે કરોડની ગ્રાન્ટ સગેવગે કરી હોવાનો મંત્રી પર આક્ષેપ છે.

સૂઇગામના સરપંચોએ આરોપ લગાવ્યો છે કે ઇશ્વર પરમારે ગ્રાન્ટ પંચાયતના બદલે એજન્સીઓને ફાળવી છે. સુઇગામ તાલુકાની બે કરોડની ગ્રાન્ટ સગેવગે કરી છે. ઇશ્વર પરમારે ગ્રાન્ટમાંથી 1.70 કરોડ અન્યને ફાળવી દીધા છે.

રાજ્યના મંત્રીએ ફક્ત 30 લાખ ગ્રાન્ટ જ સુઇગામ તાલુકાને અપાયાનો આક્ષેપ કરવામાં આવ્યો છે. જેને લઇ ગ્રાન્ટ પરત લાવવા માટે પ્રાંત અધિકારીને આવેદન આપી રજૂઆત કરી છે.