પશુપાલકો માટે સૌથી મોટા સમાચાર સામે આવ્યા. ટૂંક સમયમાં 1968 પહેલાના નોંધાયેલા વાડાને માલિકી હક આપવામાં આવે તેવો નિર્ણય લઇ શકે છે.
પશુપાલકો માટે મોટા સમાચાર
રાજ્ય સરકાર ટૂંક સમયમાં કરશે મોટી જાહેરાત
1968 પહેલાના નોંધાયેલા વાડાને માલિકી હક આપવામાં આવશે
પશુપાલકો માટે સૌથી મોટા સમાચાર સામે આવ્યા છે. પશુપાલકો માટે રાજ્ય સરકાર ટૂંક સમયમાં મહત્વનો નિર્ણય લઇ શકે છે. જેમાં સિમમાં આવેલા વાડાને માલિકી હક મળશે. 1968 પહેલાના નોંધાયેલા વાડાને માલિકી હક આપવામાં આવશે. આ અંગે સરકાર ટૂંક સમયમાં મોટી જાહેરાત કરશે.
1968 પહેલાં મામલતદારે કરેલી નોંધણીના આધારે વાડાનો માલિકી હક મળશે
2017માં ગ્રામતળમાં આવેલ વાડાને માલિકી હક અપાયો હતો. 1968 પહેલાં મામલતદારે કરેલી નોંધણીના આધારે વાડાનો માલિકી હક મળશે. 2017માં સરકારે ગ્રામતળમાં આવેલ 200 ચો.મી વાડાને માલિકી હક આપ્યો હતો. છેલ્લાં કેટલાંય વર્ષોથી માલધારી અને પશુપાલકોની આ માંગ હતી. જેથી રાજ્ય સરકાર ટૂંક સમયમાં આ મુદ્દે મોટી જાહેરાત કરશે.
સુમુલ દ્વારા ભેંસના દૂધમાં પ્રતિ કિલો ફેટે રૂપિયા 10નો વધારો
એ સિવાય તમને જણાવી દઇએ કે, તાજેતરમાં જ સુરત જિલ્લાના પશુપાલકો માટે સારા સમાચાર સામે આવ્યા છે. જેમાં સુમુલ દ્વારા દૂધના ખરીદ ભાવમાં વધારો કરાયો છે. દૂધ ઉત્પાદકોને પોષણક્ષમ ભાવ મળી રહે તે માટે આ નિર્ણય લેવાયો છે. સુમુલ દ્વારા દૂધમાં પ્રતિકિલો ફેટમાં 10 રૂપિયાનો વધારો કર્યો છે. જે સુમુલ દ્વારા ભેંસના દૂધમાં પ્રતિ કિલો ફેટએ 10 રૂપિયાનો વધારો કરવામાં આવ્યો છે. તેમજ દૂધ મંડળીઓને એક કિલો ફેટના રૂપિયા 740 ચૂકવશે.
હમણાં સુધી કિલો ફેટના 730 મળતાં હતાં જે વધી ને 740 થશે. આ ભાવ વધારાના કારણે દૂધ ઉત્પાદકોને પૈસા ચૂકવાશે. 1 જૂનથી પશુપાલકોને આ નવો ભાવ લાગુ પડશે. જેના કારણે હજારો પશુપાલકોને ફાયદો થશે. જણાવી દઇએ કે, કપાસિયા ખોળ અને ખાણદાણમાં ભાવ વધારે હોવાથી પશુપાલકો માટે આ નિર્ણય લેવામાં આવ્યો છે. આ નિર્ણયથી સુરત અને તાપી જિલ્લાના અઢી લાખ પશુપાલકોને ફાયદો થશે.
સાબર ડેરીએ ત્રીજીવાર દૂધના ભાવમાં કર્યો વધારો
આ સિવાય થોડાં જ દિવસો પહેલાં રાજ્ય સરકારે સાબરકાંઠા અને અરવલ્લીના પશુપાલકોને પણ મોટી રાહત આપી છે. સાબર ડેરીએ ત્રીજીવાર દૂધના ભાવમાં વધારો કર્યો છે. કિલો ફેટ દીઠ દૂધના ભાવમાં 10 રુપિયાનો વધારો કરવામાં આવ્યો છે. એટલે કે પશુ પાલકોને કિલો ફેટ દીઠ રુપિયા 740નો ભાવ મળશે. ગાયના દૂધમાં પણ રૂપિયા 6.90નો વધારો કરાયો છે. જેથી ગાયનો ભાવ વધીને રૂપિયા 320 થયો છે. 11મેથી નવો ભાવ અમલી કરવામાં આવશે. સાબર ડેરી દ્વારા 2 મહિનામાં ત્રીજી વખત દૂધના ભાવમાં વધારો કરાયો છે.