નિર્ણય / ગુજરાત સરકારે સોશિયલ મીડિયાના ઉપયોગને લઈ કર્મચારીઓ માટે જાહેર કરી ગાઈડલાઈન

ભારત પાકિસ્તાન યુદ્ધની સ્થિતિને લઇને સરકાર દ્વારા વિવિધ પ્રકારની ગાઇડલાઇન જાહેર કરવામાં આવી છે.ત્યારે ફરી એક વાર સરકારી કર્મચારીઓ માટે ગાઈડલાઈન જાહેર કરવામાં આવી છે.સાયન્સ એન્ડ ટેકનોલોજી વિભાગના અગ્ર સચિવ તમામ વિભાગના વડાઓને પત્ર લખીને જાણ કરી છે.

શું ગાઇડ લાઇન જાહેર કરવામાં આવી

• સરકારી કર્મચારીઓ અધિકારીઓ લિંક, ડોક્યુમેન્ટ ડાઉનલોડ કરવું નહીં
• ઓફિશિયલ ડોક્યુમેન્ટ, આઈડી કાર્ડ તથા ઈન્ટરનલ મીટિંગ ના ફોટા પોસ્ટ ન કરવા સૂચના
• કર્મચારીઓએ પોતાનો રાજકીય મત, સમાચાર ની ખાતરી કર્યા વગર ન મુકવા સૂચના
• વોટ્સ એપ પર કંટેન્ટ ફોરવર્ડ કરતા પહેલા ખરાઈ કરવી
• પૂર્વ મંજૂરી વગર સોશિયલ મીડિયા પર વિભાગનું પેજ ન બનાવવા સૂચના

વધુ વાંચો: ઈન્ડિયન આર્મીથી કેટલી અલગ છે ટેરિટોરિયલ આર્મી?, જાણો બંન્ને વચ્ચેનો તફાવત

અગાઉ સરકાર દ્વારા સરકારી કર્મચારીઓની રજા રદ કરવામાં આવી.છે ત્યારે શિક્ષકોની પણ રજાઓ રદ કરી દેવાનો નિર્ણય કરી લેવાયો છે.અગાઉ પોલીસ વિભાગ,મહેસુલ વિભાગના તમામ કર્મચારીઓની રજાઓ રદ કરી દેવામાં આવી હતી.

પોલીસ અધિકારીઓની રજા રદ

ગુજરાત પોલીસ વિભાગ દ્વારા રાજ્યના રજા પર ગયેલા પોલીસ અધિકારીઓને હાજર આદેશ કરવામાં આવ્યો છે, ત્યારે પોલીસ વિભાગના પરિપત્ર મુજબ, શહેર-જિલ્લા ખાતે ફરજ બજાવતા અધિકારીઓઓને મંજૂર થયેલી રજાઓ આકસ્મિત સંજોગોને ધ્યાનમાં રાખીને તાત્કાલિક અસરથી રદ કરવામાં આવી છે. આમ સબંધિત અધિકારીઓને રજા પરથી તાત્કાલિક ફરજ પર હાજર થયા બાદ પોલીસ વિભાગમાં જાણ કરવા જણાવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ