કોરોના વાયરસ / માસ્ક મુદ્દે સરકારનો મહત્વપૂર્ણ નિર્ણય, ફોર વ્હીલરમાં એક વ્યક્તિને માસ્ક પહેરવામાંથી મુક્તિ પરંતુ...

• ફોર વ્હીલરમાં માત્ર એક જ વ્યક્તિ હશે તો માસ્ક ફરજીયાત નહીં
• ડ્રાઇવર સાથે અન્ય કોઇ બેસેલું હશે તો માસ્ક પહેરવું ફરજિયાત
• કોઇ અધિકારી રોકે ત્યારે માસ્ક પહેરવું ફરજિયાત

અમદાવાદ મનપાએ સૌ-પ્રથમ માસ્ક ન પહેરનારને દુકાન કે અન્ય જગ્યાઓ પર જઈને દંડ કર્યો હતો પરંતુ પ્રજા ન સુધરતા હવે ટ્રાફિક પોલીસ પણ કામે લાગી છે. તે કાર અને ટૂ વ્હીલર પર જતા લોકો જો માસ્ક ન પહેરેતો તેમને દંડ ફટકારી રહ્યા છે. જોકે હવે ફોર વ્હીલમાં એક વ્યક્તિ હશે તો માસ્ક નહીં પહેરવું પડે.

રાજ્ય સરકાર દ્વારા જાહેરનામું બહાર પાડવામાં આવ્યું છે. જેમાં ગુજરાતમાં માસ્ક પહેરવાના નિયમને લઇને સરકારે નિર્ણય કર્યો છે કે જો કારમાં એકથી વધુ વ્યક્તિ હશે તો માસ્ક પહેરવું પડશે. અન્ય વ્યક્તિ સાથે વાતચીત સમયે માસ્ક ફરજિયાત પહેરવાનું રહેશે. પૂછપરછ કે ચકાસણી માટે કોઇ અધિકારી વાહન ઉભુ રાખે ત્યારે પણ માસ્ક પહેરવાનું ફરજિયાત રહેશે. જોકે હાલ કારમાં એક જ વ્યક્તિ હશે તો માસ્ક પહેરવામાંથી મુક્તિ આપવામાં આવી છે. 

રાજ્ય સરકારનું માસ્કને લઇને જાહેરનામું