જાહેરાત / રાજ્યના આરોગ્યકર્મીઓ માટે આવ્યા ખુશખબર, CM રૂપાણીએ કરી મોટી જાહેરાત

• કોરોના સંક્રમણને લઇ રાજ્ય સરકારનો મોટો નિર્ણય 
• તમામ હોસ્પિટલ અને દવાખાનાને કોરોના સારવાર કરવાની મંજૂરી
• આરોગ્ય કર્મચારીઓના પગારમાં પણ વધારો

CM રૂપાણીએ જણાવ્યું હતું કે,  ગુજરાતમાં કોરોનાના દર્દીઓની વધતી જતી સંખ્યાને ધ્યાનમાં રાખીને નાયબ મુખ્યમંત્રી નીતિનભાઇ પટેલ, મુખ્ય સચિવ અનિલ મુકીમ,અગ્ર મુખ્ય સચિવ કે. કૈલાશનાથન, અગ્રસચિવ ડૉ. જયંતી રવિ તથા ઉચ્ચ અધિકારીઓની ઉપસ્થિતિમાં મળેલી કોર કમિટીની મિટિંગમાં અત્યંત મહત્વના નિર્ણયો કર્યા છે.

વર્ગ-3ના કર્મચારીઓ માટે જાહેરાત

મહત્વની જાહેરાત કરતા CM રૂપાણીએ જણાવ્યું હતું કે, સરકારી હોસ્પિટલોમાં માનદ સેવા આપી રહેલા મેડીકલ, નર્સિંગ, ફાર્માસિસ્ટ, લેબ-ટેક અને વર્ગ-૪ના સ્ટાફને આગામી ત્રણ મહીના માટે વધું પ્રોત્સાહક વેતન આપવામાં આવશે. તેમણે કહ્યું છે કે, સરકારી હોસ્પિટલોમાં વર્ગ-3ની કક્ષામાં ફરજ બજાવતા આઉટસોર્સિંગ સ્ટાફ નર્સના હાલ મળતા પગારમાં વધારો કરીને ૩ માસ માટે માસિક રૂ. ૨૦,૦૦૦નું માનદ વેતન આપવાનો રાજ્ય સરકારે નિર્ણય કર્યો છે. નવી ભરતીમાં દાખલ થનાર નર્સ બહેનો-ભાઇઓને પણઆ જ પ્રમાણે માનદ વેતન આપવામાં આવશે.

સીએમ રુપાણીએ રાજ્યના ડોક્ટરો માટે પગાર વધારાની જાહેરાત કરી 

રુપાણીએ કહ્યું કે તજજ્ઞ ડોક્ટર માટે માસિક રૂપિયા અઢી લાખ રાજ્ય સરકાર આપશે. મેડિકલ ઓફિસર માટે માસિક સવા લાખ, ડેન્ટલ ડોક્ટર માટે માસિક 40 હજાર, હોમિયોપેથિનાં 35 હજાર, લેબ ટેક્નિશિયન, ઇસીજી, ટેક્નિશિયનને માસિક 18 હજાર, વર્ગ 4ના કર્મચારીઓને આપણે માસિક 15 હજાર આપીશું. આ ઉપરાંત જે બહેનો આઉટ સોર્સિંગની નર્સોને આગામી 3 મહિના 13 હજારનાં બદલે 20 હજાર પગાર અપાશે. નવા નર્સોને પણ 20 હજાર રૂપિયા આગામી ત્રણ મહિના સુધી પગાર 20 હજાર લેખે ચુકવાશે. જુલાઇ 30 સુધી આ વધારાના માનત વેતન ચુકવવામાં આવશે. 

15 જૂન સુધઈ કોઇ પણ હોસ્પિટલ કરી શકશે કોરોનાના દર્દીની સારવાર

કોરોનાનુ સંક્રમણ વધ્યા પછી આપણે છેલ્લા 20-25 દિવસમાં જે મહેનત કરી તેમાં 78000 બેડ રાજ્યમાં કરી નાખ્યા છે. સતત રાજ્યમાં વધી રહેલા કેસને જોતા વ્યવસ્થા પણ સામે ઘટતી જાય છે. ત્યારે સમગ્ર ગુજરાત રાજ્યમાં કોરોનાના દર્દીઓ વધી રહ્યા છે ત્યારે ગુજરાતની તમામ ટ્રસ્ટની, ખાનગી કે સરકારી હોસ્પિટલ હોય ફુલ થઇ રહી છે. રજીસ્ટર્ડ હોસ્પિટલોમાં દર્દીઓથી પથારીઓ ભરાઇ જાય છે. આજે કોર ગ્રુપની મીટિંગમાં અમે નિર્ણય કર્યો છે કે, હવે ગુજરાત રાજ્યની તમામ ખાનગી હોસ્પિટલ, ક્લિનિક, દવાખાના, નર્સિંગ હોમ પોતાની હોસ્પિટલોમાં કોરોનાના દર્દીની સારવાર કરી શકશે. તમામ ખાનગી હોસ્પિટલ, નર્સિંગ હોમની સારવાર માટેની છુટ આપવામાં આવશે. કોરોનાની સારવાર માટે તેમણે કોઇ મંજુરી લેવાની રહેતી નથી. તેમણે માત્ર કલેક્ટર અને મ્યુનિસિપલ કમિશ્નરને જાણ કરવાની રહેશે. 

આર્મી હોસ્પિટલો પણ હસ્તગત કરવા માટે પ્રયાસો ચાલુ

આજની મીટિંગમાં મિલિટ્રી હોસ્પિટલો જેટલી છે કચ્છમાં, જામનગર, અમદાવાદ, વડોદરા વગેરેમાં પણ કોવિડની સારવાર શરૂ થાય તે માટે અપીલ કરી છે. આવતીકાલે તેમના અધિકારીઓ સાથે બેઠક છે. વધારે બેડ પ્રાપ્ત થાય તે માટે પ્રયાસો ચાલુ છે. ગુજરાતીઓને મહત્તમ લાભ મળી રહે અને તેમનેપ રેશાન ન થવું પડે તેવા પ્રયાસો કરીશું. 

રાજ્યમાં લોકડાઉન લગાડવાની કોઈ જરુર નથી-રુપાણી 

સીએમ રુપાણીએ જણાવ્યું કે રાજ્યમાં લોકડાઉન લગાડવાની કોઈ જરુર નથી. તેમણે કહ્યું કે 20 જેટલા શહેરોમાં નાઈટ કર્ફ્યુ સહિતના કડક પ્રતિબંધઓ લાગુ છે. તમામ શૈક્ષણિક સંસ્થાનો બંધ છે. એપ્રિલ 30 સુધઈમાં અમે 10,000 વધારાના બેડ ઉપલબ્ધ કરાવ્યાં છે. રુપાણીએ કહ્યું કે હાલમાં લોકડાઉન લગાડવાની રાજ્ય સરકારની કોઈ વિચારણા નથી.