હવેથી રાજ્યમાં હેલ્મેટ પહેરવું ફરજિયાત જ છે, મરજિયાત નથી, જી હાં સરકારે આ મુદ્દે યૂટર્ન લીધો છે. ગુજરાત હાઈકોર્ટમાં રાજ્ય સરકારે કહ્યું હેલમેટ મરજિયાત કરવા અંગે કોઈ પરિપત્ર જાહેર કરવામાં આવ્યો નથી. સરકારે રાજ્યમાં હેલ્મેટ મરજિયાત કરવાના નિર્ણય સામે ગુજરાત હાઇકોર્ટમાં પીઆઇએલ કરવામાં આવી હતી. જેની સુનાવણી દરમિયાન સરકારે કોર્ટમાં કહ્યું હેલ્મેટ પહેરવું મરજિયાત નથી બનાવ્યું હેલ્મેટ ફરજીયાત જ છે. આ મુદ્દે સરકારે કોઈ સર્ક્યુલર કે નોટીફિકેશન બહાર પાડ્યું નથી. ત્યારે જાણો કેમ રાજ્ય સરકારે યૂ-ટર્ન લીધો...
રાજ્યમાં હેલ્મેટ ફરજિયાત
રાજ્ય સરકારનો યૂ-ટર્ન
હાઇકોર્ટની ફટકાર બાદ યૂ-ટર્ન
શહેરીજનો હવે હેલ્મેટ પહેરીને વાહન ચલાવજો પછી ના કેતા કે હેલ્મેટ મરજીયાત છે. કારણ કે રાજ્ય સરકારે પોતાના આ નિર્ણય પર હાઇકોર્ટમાં યુટર્ન લીધો છે. રાજ્ય સરકારે હાઈકોર્ટમાં જવાબ રજૂ કર્યો છે કે ગુજરાતમાં હેલમેટ એ મરજિયાત નથી. ગુજરાતમાં હેલ્મેટ મરજિયાત કરવા બદલ આજે હાઈકોર્ટમાં જાહેર હિતની અરજીની સુનાવણી થઈ છે. હેલ્મેટ મામલે રાજ્ય સરકારને નોટીસને આપવામાં આવી હતી. જેના જવાબમાં સરકારે સોગંદનામું રજૂ કરીને ગુજરાતમાં હેલ્મેટ પહેરવું મરજીયાત નથી કરાયું, ફરજિયાત જ હોવાનો જવાબ રજૂ કર્યો છે.
હાઇકોર્ટમાં કરવામાં આવેલી પીઆઇએલમાં મોટર વ્હીકલ એક્ટની જોગવાઈનો કડક અમલ થાય એવી માંગ કરવામાં આવી હતી. હાઇકોર્ટે આ મામલે ટ્રાન્સપોર્ટ સચિવને એફિડેવિટ દાખલ કરવાનો આદેશ આપ્યો છે. આ અગાઉ રાજ્ય સરકારે કેન્દ્ર સરકારે ઘડેલો મોટર વ્હીકલ એક્ટ હળવા દંડ સાથે લાગુ કર્યો હતો.
રાજ્ય સરકારે હાઇકોર્ટમાં કહ્યું કે પાછળ બેસનારે પણ હેલ્મેટ પહેરવું ફરજિયાત છે. જેને લઇને હવે પોલીસ પણ ફરી હેલ્મેટ વિના વાહન ચલાવનારાઓને દંડ ફટકારવાની તૈયારી શરૂ કરી દીધી છે. મહત્વનું છે કે, શહેરી વિસ્તારોમાં રાજ્ય સરકારે હેલમેટ પહેરવાથી મુક્તિ આપી હતી.
ગુજરાતમાં હેલ્મેટની ક્રોનોલોજી
- કેન્દ્ર સરકારે નવો મોટર વ્હીલ કાયદો લાગુ કર્યો
- તમામ બાઇક ચાલકને હેલ્મેટ પહેરવુ ફરજિયાત કરાયુ
- ગુજરાત સરકારે બાઇકચાલક માટે હેલ્મેટ ફરજિયાત કર્યુ
- હેલ્મેટ ન પહેર્યુ હોય તો દંડમાં થોડી છૂટ આપી
- લોકો-સંસ્થાઓ અને વિપક્ષે હેલ્મેટનો વિરોધ કર્યો
- વિરોધ થતા રાજ્ય સરકારે હેલ્મેટ મરજિયાત કર્યુ
- મંત્રી આર.સી ફળદુએ હેલ્મેટ મરજિયાતની જાહેરાત કરી
- ન.પા-મનપાની હદમાં હેલ્મેટ મરજિયાત કરાયુ
- ન.પા-મનપાની હદમાં હેલ્મેટ ન પહેરવા પર દંડ હટાવ્યો
- સુપ્રીમકોર્ટે પણ ગુજરાત સરકારને નોટિસ આપી માગ્યો જવાબ
- રાજ્ય સરકારના નિર્ણય સામે ગુજરાત હાઇકોર્ટમાં અરજી થઇ હતી
- અરજીના જવાબમાં રાજ્ય સરકારે સોગંદનામુ રજૂ કર્યુ
- સોગંદનામામાં સરાકારે કહ્યું, રાજ્યમાં હેલ્મેટ ફરજિયાત
- રાજ્યમાં હેલ્મેટ ક્યારેય મરજિયાત કરાયુ નથી
- બાઇક ચાલક-પાછળ બેસનાર માટે પણ હેલ્મેટ ફરજિયાત