ગાંધીનગર / ગુજરાત સરકારના કર્મચારીઓને દિવાળી ભેટ, DyCMએ કરી મહત્વની જાહેરાત

• નાયબ મુખ્યમંત્રી નીતિન પટેલની સરકારી કર્મચારીઓને લઇને મહત્વની જાહેરાત
• 21થી 23 ઓક્ટોબરે કર્મચારીઓને પગાર ચૂકવાશે
• મેડિકલ કોલેજના નિર્માણ માટે કુલ રૂપિયા 325 કરોડનો ખર્ચ થશે

મોદી સરકારે કેન્દ્રીય કર્મચારીઓને 5 ટકા મોંઘવારી દૈનિક ભથ્થા વધારાના પ્રસ્તાવને મંજૂરી આપી છે ત્યારે ગુજરાત સરકારે પણ કર્મચારીઓને દિવાળીની ભેટ આપી છે. જેમાં ડે.સીએમએ કહ્યું હતું કે, સરકારી કર્મચારીઓને દિવાળી હોવાથી પગાર વહેલો ચૂકવવામાં આવશે. 21થી 23 ઓક્ટોબરે પગાર ચૂકવાશે. 4 હજાર કરોડની માતબર રકમ ચુકવામાં આવશે. વર્ગ-4ના કર્મચારીને 3500 મર્યાદામાં બોનસ અપાશે.

મહત્વનું છે કે, મહિનો પુરો થયા બાદ રાજ્ય સરકારના કર્મચારીઓને પગાર આપવામાં આવે છે. ત્યારે ઓક્ટોબર મહિનાના છેલ્લા દિવસોમાં દિવાળીના તહેવારોને લઇને રાજ્ય સરકારે વહેલો પગાર આપવાનું નક્કી કર્યું છે. જેને લઇને કર્મચારીઓમાં આનંદ છવાયો છે.

જો કે, સચિવાલય સ્ટાફ એસોસિએશન દ્વારા દિવાળી પહેલા કર્મચારીઓ પગાર કરવાની રજૂઆત નાયબ મુખ્યમંત્રી નીતિન પટેલને કરવામાં આવી હતી. જેને લઇને નાણા વિભાગના અધિક મુખ્ય સચિવને DyCMએ પત્ર લખી કર્મચારીઓના વહેલા પગાર કરવાની યોગ્ય વ્યવસ્થા કરવા જણાવ્યું હતું.

દેશમાં 75 જિલ્લામાં મેડિકલ કોલેજ બનશે

ગુજરાતની આ મેડિકલ કોલેજના નિર્માણ માટે કુલ રૂપિયા 325 કરોડનો ખર્ચ થશે. જેમાં કેન્દ્ર સરકાર 195 કરોડની મદદ કરશે, જ્યારે રાજ્ય સરકાર 130 કરોડ રૂપિયાનો ખર્ચ ઉઠાવશે. દેશભરમાં કુલ 75 જિલ્લામાં મેડિકલ કોલેજ બનશે. ગુજરાતમાં પહેલા 5માંથી 3 મેડિકલ કોલેજોનું શરૂઆતના તબક્કે નિર્માણ કરવામાં આવશે.