રાજ્ય સરકાર ભલે ગમે તેટલા પ્રયાસો કરે તો પણ રાજ્યમાં સરકારી બાબુઓ લાંચ લેવાનું ભુલતા નથી. જ્યારે બીજી તરફ સરકાર તરફથી કાર્યવાહીના નામે પણ માત્રો દેખાડો કરવામાં આવતો હોય તેમ લાગી રહ્યું છે.
રાજ્યમાં 5 વર્ષમાં 1127 લાંચિયા કર્મચારીઓ પકડાયા
અમદાવાદમાં સૌથી વધુ 161 સરકારી બાબુ ઝડપાયા
ઝડપાયેલા અધિકારીમાંથી 10 ટકાને જ ડિસમિસ કરાયા
એક રિપોર્ટ મુજબ રાજ્યમાં છેલ્લા 5 વર્ષમાં 1127 લાંચિયા કર્મચારીઓ ઝડપાયા હતા. લાંચ લેતા ઝડપાયેલા 1127 અધિકારી અને કર્મચારીઓમાંથી 110 જેટલા અધિકારીઓને બરતરફ કરવામાં આવ્યા છે.
લાંચિયા અધિકારીઓની ધરપકડમાં રાજ્યભરમાં અમદાવાદ શહેર મોખરે છે. અમદાવાદ શહેરમાં સૌથી વધુ 161 સરકારી બાબુઓની ધરપકડ કરવામાં આવી છે.
જ્યારે અન્ય શહેરોની વાત કરીએ તો વડોદરામાંથી 88 અને સુરતમાંથી 81 અદિકારીઓને લાંચ લેતા ઝડપી લેવામાં આવ્યાં છે. આમ કુલ લાંચ લેતા ઝડપાયેલા અધિકારીઓ અને કર્મચારીઓમાંથી કુલ 10 ટકા જેટલાને બરતરફ કરવામાં આવ્યાં છે.
બનાસકાંઠાનો અને મુખ્યમંત્રી રૂપાણીના ગૃહનગર રાજકોટનો આંકડો એક સમાન છે. જ્યારે રાજ્યના પાટનગરમાં 49 અધિકારીઓ લાંચ લેતાં ઝડપાયા છે.