એક તરફ રાજ્ય સરકારે હજુ સુધી શાળા ખોલવી કે નહીં તે અંગે વિચારણા પણ નથી કરી. શિક્ષણમંત્રી ગોળગોળ જવાબ આપી રહ્યા છે. તેવામાં બીજી તરફ રાજ્યમાં શિક્ષણની ગુણવત્તાની વાત કરતી સરકારની પોલ ખુલી છે.
સરકાર જ ખાનગીકરણને પ્રોત્સાહન આપી રહી હોવાનું ગત વર્ષના આંકડા બોલ્યા
છેલ્લાં 5 વર્ષમાં અમદાવાદ શહેરમાં 47 ખાનગીની સામે એક પણ સરકારી હાઈસ્કૂલ શરૂ ન કરાઈ
અમદાવાદ ગ્રામ્યમાં 70ની સામે માત્ર 21 સરકારી હાઈસ્કૂલ જ શરૂ કરાઈ છે
રાજ્યમાં શિક્ષણની ગુણવત્તાની વાત કરતી સરકારની પોલ ખુલી છે. સરકાર જ ખાનગીકરણને પ્રોત્સાહન આપી રહી છે. તે ગત પાંચ વર્ષના માધ્યમિક સ્કૂલના આંકડાઓ પરથી ખ્યાલ આવી રહ્યો છે. છેલ્લાં 5 વર્ષમાં અમદાવાદ શહેરમાં 47 ખાનગીની સામે એક પણ સરકારી હાઈસ્કૂલ શરૂ થઈ શકી નથી. જ્યારે અમદાવાદ ગ્રામ્યમાં 70ની સામે માત્ર 21 સરકારી હાઈસ્કૂલ જ શરૂ કરાઈ છે. દર વર્ષે શહેર અને જિલ્લામાંથી 35 હજારથી વધુ વિદ્યાર્થીઓ ધો.9માં પ્રવેશ મેળવે છે. પરંતુ માધ્યમિક સરકારી સ્કૂલો ઓછી હોવાથી વિદ્યાર્થીઓએ ન છુટકે પ્રાઇવેટમાં એડમિશન લેવાની ફરજ પડે છે શહેરમાં વસ્તી વધી રહી છે અને વસ્તીના પ્રમાણમાં સરકારી પ્રાથમિક સ્કૂલોમાં વધી રહેલી વિદ્યાર્થીઓની સંખ્યા સામે સરકારી હાઈસ્કૂલો ઓછી થઈ રહી છે. તેથી લોકોને પ્રાઈવેટ શાળામાં ભણવાની ફરજ પડી રહી છે.
ખાનગી સ્કૂલમાં અભ્યાસ માટે સરકાર વિદ્યાર્થીઓને કરે છે મજબૂર
રાજ્યમાં શિક્ષણ માફિયાઓને સરકારનું પીઠબળ હોય તેવું લાગી રહ્યું છે. ખાનગી સ્કૂલમાં અભ્યાસ માટે સરકાર વિદ્યાર્થીઓને મજબૂર કરે છે. સરકારી શિક્ષણ વિભાગની ઉદાનસિનતા આવી સામે છે. છેલ્લા 5 વર્ષમાં અમદાવાદમાં એક પણ સરકારી હાઇસ્કૂલ ન ખુલી. છેલ્લા 5 વર્ષમાં અમદાવાદમાં 47 ખાનગી માધ્યમિક સ્કૂલો શરૂ થઈ છે. માધ્યમિકના અભ્યાસ માટે ખાનગી સ્કૂલોમાં પ્રવેશ લેવા મજબૂર બન્યા છે. ધોરણ 9માં વિદ્યાર્થીઓ ખાનગી સ્કૂલમાં પ્રવેશ લેવો પડે છે.